2 Aju tja, atzun tcub twi witz Sión tuj Jerusalén;

3 atzun cub ttokin ke macbil in che ajben tuj kꞌoj: Ke makbil, ke spad, ke xobl plech ex cyucꞌix ke plech.

4 Nman Dios, nimxix tajwalila. Maꞌxix t-xilena cywitz ke witz mintiꞌ bajsbil cye.

5 Keju mas cyuw cycꞌuꞌj tuj kꞌoj, el kꞌiꞌn tcyakilju at cye. Keju mas nim cyipun, misicyer jun o bant cyuꞌn; nok oꞌcx e icꞌ tan ke ex biꞌx e cyim.

6 Ex mintiꞌlpe bant cyyucch ke carwaj ex ke chej tej cyoc t-xobtzaꞌna, aya Tdios Jacob.

7 Puro xobajilxixa. ¿Alcye jun jacu cub weꞌ twitza oc ttzaj ttxꞌuꞌjila?

8 Max tuj cyaꞌj tzaj tyecꞌuna aju sentens tzaj tkꞌoꞌna; tzaj t-xobil tiꞌj txꞌotxꞌ ex nok cub txuleꞌ

9 tej tjaw weꞌya Nman Dios tuꞌn tcub tkꞌoꞌna cysentens ke xjal, ex tuꞌn cyclet cycyakil keju in che baj yajlaꞌn tzalu twitz txꞌotxꞌ.

10 Aju cykꞌoj xjal in tzaj, cchꞌexpetel tuꞌna tuꞌn tajben te nimbil teya; ex atzun mastl cykꞌoj xjal cmayetel tuꞌna.

11 Cytziyanxe jun yol te Kman aju Cydiose, ex japunx cyuꞌne. Akeye xjal ateꞌ cyuj ke nasyon ateꞌ cyiꞌjele aj Israel, cyiꞌntze ke oyaj twitz Dios aju baꞌn tuꞌn kxob twitz.

12 Porque in naj cyipumal ke cawil tuꞌn ex in tzaj cyxobil ke rey tuꞌn, akeju ateꞌ twitz txꞌotxꞌ.