2 In tmaꞌn Kman cyjaꞌ: Oc tpon tkꞌijlalil banimaj wuꞌne, cbel nkꞌoꞌne cysentens xjal tuj tumelxix.

3 Masque tzaj luꞌlun txꞌotxꞌ cyucꞌix cycyakil keju najl twitz, pero wuꞌne cyuwsaꞌmaj ke tkꞌukbil tuꞌn miꞌn cyyucch.

4 In xi nmaꞌne jlu cye ke xjal in jaw cyniman cyib ex ke xjal mya baꞌn: Miꞌn tzꞌoc cykꞌon cyibe te maꞌ cyoclene ex miꞌn jaw cyniman cyibe;

5 miꞌn baj cyyoline ka at cyipumale, ex miꞌn che oque jawni che yoline.

6 Porque aju tuꞌn tjaw nimsaꞌn jun xjal, myatzun a in tzaj tuj tjawitz kꞌij ex mi tuj telex kꞌij, mi tuj lugar mintiꞌ cynajbil xjal,

7 oꞌcx ate Dios jwes; at junjun nnoꞌc tkꞌoꞌn te chꞌin toclen ex atzun junjuntl nnoꞌc tkꞌoꞌn te maꞌ toclen.

8 Tzyuꞌn vas tuꞌn tkꞌab Kman, ex aju vas lu atzun in yolin tiꞌj tkꞌoj, tcuꞌx vin tuj, aju vin smoꞌmaj twitz. Octzun t-xi tkoꞌn aju vin lu, cycyakil xjal mya baꞌn cybinchben ateꞌ twitz txꞌotxꞌ cxel cycꞌaꞌn tcyakil.

9 Atzun weye cucx cxel nkꞌoꞌne tkanil tiꞌj Tdios Jacob ex cxel nbitzane ke bitz te nimbil te,

10 porque tuꞌn, cnajel cynimbil cyib ke xjal mya baꞌn, atzun te xjal tzꞌaklxix cxel tkꞌoꞌn mastl tipumal.