Cycyakil xjal baꞌn tuꞌn t-xi cykꞌoꞌn chjonte te Dios
Jun bitz
67
Nman Dios, kꞌakꞌantz tcꞌuꞌja kiꞌje, ex ko tcyꞌiwlama, ko tqueꞌyintza tuꞌn tzalajbil,2 tuꞌntzun tel cynicꞌ cycyakil xjal twitz txꞌotxꞌ tiꞌj ju tajbila ex ju colbil tuꞌna.
3 Nman Dios, e t-xi cykꞌoꞌn xjal chjonte teya; cycyakil xjal baꞌn tuꞌn t-xi cykꞌoꞌn chjonte teya.
4 E cyschꞌin tuꞌn tzalajbil ke xjal cyuj ke nasyon, porque in cawina cyibaj ke tnam tuj tumelxix, ex aya ẍaklul cye ke nasyon tuj tcyakil twitz txꞌotxꞌ.
5 Nman Dios, e t-xi cykꞌoꞌn ke xjal chjonte teya; cycyakil xjal baꞌn tuꞌn t-xi cykꞌoꞌn chjonte teya.
6 Ma tzaj tkꞌoꞌn txꞌotxꞌ twitz awal ex ma ko cyꞌiwlanjtz tuꞌn Kdios.
7 Awt Dios cyꞌiwlante ke. Cuchiwt cycyakil xjal twitz txꞌotxꞌ tuꞌn cyniman te ex tuꞌn cyxob twitz.