Tiꞌj Dios oc keꞌ tcꞌuꞌj David
A jlu o tzꞌibanjtz tuꞌn David tej tten tuj tzkij txꞌotxꞌ tuj Judá
63
Nman Dios, aya Ndiose. Tuꞌn tcyakil wanmiye in chin jyone tiꞌja; nimxix tajbil wanmiye tiꞌja ex enter nximlale taj tiꞌja, ic kine ic tzaꞌn tzkij txꞌotxꞌ ma baj tipun ex mintiꞌ aꞌ tuj.2 Wajbile tuꞌn toc nqueꞌyine tuj tjaya ex tuꞌn toc nqueꞌyine tipumala ex tajwalila.
3 Aju tcꞌujlalila te weye mas maꞌ t-xilen twitz ju ankꞌibl. Cxel nkꞌoꞌne chjonte teya;
4 tuj tcyakil wankꞌible cxel nkꞌoꞌne chjonte teya ex cjawil nyecꞌune nkꞌabe twitza tuꞌn nyoline tucꞌila.
5 Biꞌx ckebel ncꞌuꞌje ic tzaꞌn jun xjal in noj tcꞌuꞌj tuj jun nintz waꞌn tbanilxix, ex cxel nkꞌoꞌne chjonte teya tuꞌn tzalajbil.
6 Oc coẍl kine te konicꞌan, nnuꞌla tiꞌj ncꞌuꞌje ex in chin oc tene ximal tiꞌja,
7 porque aya onil weye. In chin tzalaje tuꞌnju cwentin kine tuꞌna.
8 Tocxix wanmiye tiꞌja ex tzyuꞌnxix kine tuꞌn tbankꞌaba.
9 Keju cyaj chin cub cybyoꞌn che belex max t-xeꞌpun txꞌotxꞌ;
10 che cymel tuꞌn spad, ex che bajel chyoꞌn cyuꞌn xoꞌj.
11 Pero akine rey oc chin tzalajele tiꞌj Dios; cycyakil keju in xi cymaꞌn jun yol axix toc twitz Dios che bitzal, atzun keju in che nicꞌan yol, clemetel cytziꞌ.