Tnaꞌj Dios David te kanbil onbil te Dios
Bitz tuꞌn David tej t-xi ok tuj toyꞌ pic tej tel ok twitz Saúl
57
Nman Dios, kꞌakꞌantz tcꞌuꞌja wiꞌje, kꞌakꞌantz tcꞌuꞌja wiꞌje, oꞌcx tiꞌja kꞌukl ncꞌuꞌje. Waje tuꞌn nclonte wibe cyjakꞌ ke t-xicꞌa ocxi tbaj xobajil.2 In chin cubsane twitz Dios aju Dios Maꞌxix Toclen, aju in onin weye tuj tcyakil.
3 Max tuj cyaꞌj ctzajel t-samaꞌn Dios tcꞌujlalil ex aju tyol axix toc, ex oc chin cletele tuꞌn cye keju in che yajlante weye.
4 Palch cub kine twitz txꞌotxꞌ cyxol ke xjal ic cyten ic tzaꞌn ke balun baꞌn che chyoꞌn xjal; ic tten twitz cyeꞌ ic tzaꞌn ke lans ex ke plech, ex ic tten cytziꞌ ic tzaꞌn jun spad banin ttziꞌ.
5 Nman Dios tcuba tibaj cyaꞌj. Nojni twitz txꞌotxꞌ tuꞌn tajwalila.
6 Ke aj kꞌoj wiꞌje ma cub cykꞌoꞌn jun cꞌobil wiꞌje tuꞌntzun ttzaj baj ncꞌuꞌje; cuꞌx cylacuꞌn jun jul tuj nbeye, pero ax ke e jeꞌx tzꞌak tuj.
7 Banin tten wanmiye Nman Dios, banin tten wanmiye tuꞌn cyxi tbitzan ke bitz te teya.
8 Kꞌiꞌmel twatla wanmiye; cyiꞌmel cywatle chnab arpa ex quitar; oc chin jawil weꞌye naꞌnxtok ttzaj t-xe cyaꞌj.
9 Nman, cjawil nnimsaꞌna tucꞌil bitz cyxol ke tnam ex ke nasyon.
10 Porque maꞌxix tcꞌujlalila ic tzaꞌn cyaꞌj; ex aju tyola axix toc max in japun canun twitz cyaꞌj.
11 Nman Dios tcuba tibaj cyaꞌj. Nojni twitz txꞌotxꞌ tuꞌn tajwalila.