Naj Dios te kanbil onbil te Dios
A jlu o tzꞌibanjtz tuꞌn David tej cypon aj Zif kꞌmalte tkanil te Saúl cyjaꞌ: Lu David in ewan tuj ktxꞌotxꞌe, che chi.
54
Nman Dios, chin tcloma tuꞌn tipumala. Colina wiꞌje tuꞌn tipumala.2 Nman Dios, bintza aju nnaꞌj Diose; kꞌontz twiꞌya cyiꞌj ke nyole.
3 Ke xjal in jaw cyniman cyib ex keju jawni cywitz tuꞌn cykꞌojin ma che jaw weꞌ wiꞌje ex cyaj tuꞌn ncub cybyoꞌn. Mintiꞌ cyaj tiꞌja Dios.
4 Masque icju pero aya in onin weye; tuꞌna cucx itzꞌx kine.
5 Ex tuꞌna nnaꞌj tkꞌoꞌna t-xel mya baꞌn in cybinchaꞌn ke aj kꞌoj wiꞌje, xitun cuba ke Nman, porque tzꞌaklxixa,
6 Cxel nkꞌoꞌne chojbil teya tuꞌn wexe ngan, cjawil nnimsaꞌne tbiya tuꞌnju puro baꞌna,
7 porque o chin clete tuꞌna tuj tcyakil yajbil weye, ex o wile o cub cyiꞌj ke aj kꞌoj wiꞌje.