2 Max tuj cyaꞌj in che tzaj tqueꞌyin Dios ke xjal tuꞌntzun tqueꞌyinte ka at jun at tnabl ex ka at jun in ximan tiꞌj Dios.

3 Cycyakil ma che el tzpet, junx ma che el cycyakil ex mintiꞌ cyajben. Mi aꞌl jun in binchan baꞌn, misicyer jun.

4 Mintiꞌx cynabl ke binchal mya baꞌn. Akeju in che yajlan cyiꞌj ke xjal etzan wuꞌne, tuj cywitz ka mya il jlu, ex mintiꞌ in tzaj cynaꞌn nbiye, chi Dios.

5 Masque mi aꞌl jun xobtzal cye, pero che jawil luꞌlun tuꞌn cyxobil, porque cbajel t-sputun Dios cybakil ke aj kꞌoj. Oc che oquel tuj xmaybil porque icꞌun ke tuꞌn Dios.

6 Cuchiwt tzaj colbil cye aj Israel twi witz Sión. Oc cyajtz meltzꞌaj ke xjal etzan tuꞌn Kman, akeju otok cheꞌx kꞌiꞌn pres najchak, oc che tzalajel ke tiyjil Jacob, cycyakil ke aj Israel.