Aju tnimbil tib jun xjal mya baꞌn, mintiꞌ tajben
A jlu o tzꞌibanjtz tuꞌn David tej tpon Doeg aju aj Edom kꞌmalte tkanil te Saúl, ka otok tzul David tuj tja Ahimelec.
52
¿Tikuꞌn in jaw tniman tiba tiꞌj ju mya baꞌn in tbinchaꞌna, aya at tipumal? Cucx tten tcꞌujlalil Dios.2 Oꞌcx in ximana tiꞌj tuꞌn tbinchanteya mya baꞌn; ic tten ttziꞌya ic tzaꞌn jun cchil banin ttziꞌ porque nim in nicꞌana yol.
3 Mas in tzalaja tiꞌj ju mya baꞌn twitz ju baꞌn, ex mas in tzalaja tiꞌj ju nicꞌaj yol twitz ju yol ax toc.
4 Mas in tzalaja cyiꞌj yol in che naj xjal cyuꞌn; jawni sbuna tuꞌn ttziꞌya.
5 Tuꞌntzun jlu cnajela te jumajx tuꞌn Dios: ctzajel tzyuꞌna tuꞌn ex cꞌelex kꞌiꞌna tuꞌn tuj tjaya; cnajela tuꞌn cyxol xjal.
6 Oc cyilaꞌ ke xjal tzꞌaklxix jlu ex ctzajel t-xobil cyiꞌj; che oquel ten xmayil tiꞌj ju xjal lu, ex oc cymaꞌ:
7 Lutzun xjal lu, mintiꞌ keꞌ tcꞌuꞌj tiꞌj Dios tuꞌn tclet; oꞌcx kꞌukl tcꞌuꞌj tiꞌj tkꞌinumabl maꞌxix, ex cucx o binchan mya baꞌn, che chilo.
8 Atzun weye, ic ntene ic tzaꞌn jun tzeꞌ olivo chaꞌx tuj tja Dios; te jumajx cucx kꞌukl ncꞌuꞌje tiꞌj tcꞌujlalil.
9 Nman Dios, cucx cxel nkꞌoꞌne chjonte teya tiꞌj ju ma tbinchaya; cckebel ncꞌuꞌje tiꞌja cywitz ke nimal teya, tuꞌnju puro baꞌna.