2 Tbanilxix queꞌyin twaꞌl aju witz tcub tuj tbankꞌab tnam Sión, atzun tzalajbil cye xjal tuj tcyakil twitz txꞌotxꞌ. Atzunju tnam teju nintz Rey.

3 Ma tzaj tyecꞌun tib Dios cyuj ke tbanil ja tuj Jerusalén; ate Dios jun colbil axix toc cye xjal.

4 Oc cychmon cyib ke rey ex junx e pon tuꞌn cyoc tzokpaj tiꞌj;

5 pero tej cyqueꞌyinte aju tnam e jaw labin tiꞌj, tzaj baj cycꞌuꞌj ex e jeꞌl ok.

6 Tzajxix nim t-xobil cyiꞌj; baj cyxkutzꞌin cyiꞌj tuꞌn taꞌw, ic tzaꞌn jun xuꞌj oc nnuꞌl itzꞌj tal;

7 ic e baj naj tuꞌna ic tzaꞌn in che baj naj cybarc aj Tarsis tuꞌn cykꞌikꞌ in tzaj tuj tjawitz kꞌij.

8 Ic tzaꞌnxju o tzaj kꞌmaꞌn ke, ma kil cyuꞌn ke tbakꞌ kwitz, aju tnam Jerusalén, aju tnam etzan tuꞌn Kman Dios aju Tajaw Tcyakil, ccyuwsetel te jumajx tuꞌn Dios.

9 Kman Dios, tuj tmijil tjaya in ko cub tene ximal tiꞌj tcꞌujlalila maꞌxix.

10 Kman Dios, tuj tcyakil twitz txꞌotxꞌ in jaw nimsaꞌna ic tzaꞌnx toclen tbiya. Tuꞌn tipumala in tbinchaꞌna aju tzꞌaklxix.

11 E tjaw tzalaj ju witz Sión. E cyjaw tꞌicpaj tuꞌn tzalajbil ke tnam te Judá, tuꞌnju tbinchbena tzꞌaklxix.

12 Che bete tiꞌjele tnam Sión ex cyajlaꞌn baje ke ja maꞌ cywaꞌl ateꞌ tuj;

13 cykꞌonque cwent tiꞌj muro toc tiꞌjele ex cyiꞌj ke tbanil ja, tuꞌntzun t-xi cymaꞌne cye ke xjal che ul itzꞌj te tibajxi:

14 Ictzun tten Kman Dios tuj tcyakil tabkꞌiyil te jumajx. Ate ẍaklul ke te jumajx.