Binchanxa wiꞌje, Nman Dios
Bitz cyuꞌn ke tiyjil Coré
47
Tjaw txakꞌan cykꞌabe cycyakile akeye xjal ateꞌye twitz txꞌotxꞌ. Che schꞌine tuꞌn tzalajbil twitz Dios.2 Ate Kman at toclen tibaj tcyakil ex il tiꞌj tuꞌn cyxob cycyakil xjal twitz; ate Dios jun nintz rey tibaj tcyakil twitz txꞌotxꞌ.
3 Tuꞌn Dios cub cyiꞌj ke tnam ex ke nasyon, ex e cyaj tkꞌoꞌn tjakꞌ kcawbil.
4 Jaw t-scꞌoꞌn txꞌotxꞌ te ketzbil, akoꞌ aj Israel, cyjaꞌtzun in ko tzalaj tiꞌj jlu ex cꞌujlaꞌn koꞌ tuꞌn.
5 Ma jax Kman Dios tuꞌn tcub keꞌ tuj tkꞌukbil, ex lu ke xjal in che schꞌin tuꞌn tzalajbil ex nnoꞌc cykꞌajtzaꞌn chun.
6 Che bitzane, che bitzane bitz te nimbil te Dios. Che bitzane, che bitzane bitz te nimbil te Krey.
7 Che bitzane jun salmo te nimbil te Dios, porque ate Dios Rey tibaj tcyakil twitz txꞌotxꞌ.
8 Ate Dios Rey cyibaj cycyakil nasyon ex ma cub keꞌ tuj tkꞌukbil xjan.
9 Ke nejenel cyuj mastl nasyon ma tzꞌoc cyjunin cyib cyucꞌil ke xjal etzan tuꞌn Dios, aju Tdios Abraham.
Ke xjal maꞌ cyoclen twitz txꞌotxꞌ, te Dios ke. Ate Dios mas maꞌ toclen tibaj tcyakil.