2 Cyjaꞌtzun mlay ko xob masque baj yucch txꞌotxꞌ, ex masque cyjaꞌ cyxiꞌ baj ke witz tuj mar tuꞌn cycuꞌpun max t-xeꞌ,

3 masque julin mar wen ex masque pulin wen, ex masque che luꞌlun ke witz tuꞌn cytxꞌuꞌjil.

4 At jun nima in ttzalajsaꞌn ke xjal ateꞌ tuj tnam cub tbinchaꞌn Dios, aju tnam lu mas xjanxix ex toc te tnajbil Dios, aju Dios Tajaw Tcyakil.

5 Tuj tnam lu atzun taꞌ Dios, cyjaꞌtzun mlay yucch; ex ax Dios onil te oc tcub spicꞌeꞌ.

6 In che tzanun ke nasyon ex in che luꞌlun ke cawbil, ex in cub ulj txꞌotxꞌ oc ttzaj kꞌajt Dios.

7 Ate Kman aju Tajaw Tcyakil at kucꞌil. Ate Dios colol kiꞌj, aju Tdios Jacob.

8 Cytzaje ex cyqueꞌyinxe aju xobajilxix ma tbincha Kman twitz txꞌotxꞌ.

9 Ma weꞌ tcyakil kꞌoj tuꞌn tuj tcyakil twitz txꞌotxꞌ, ma che cub ttokan ke xobl plech cyucꞌix ke lans, ex ma tzꞌoc tkꞌoꞌn cykꞌakꞌal ke carwaj in che ajben tuj kꞌoj.

10 Chi Dios: Cycolinxe tuꞌn cykꞌojine, tzꞌelx cynicꞌe wiꞌje ka akine Dios. Akine nejenel cyibaj cycyakil nasyon. Ex akine nejenel cyibaj cycyakil xjal ateꞌ twitz txꞌotxꞌ.

11 Ate Kman aju Tajaw Tcyakil at kucꞌil. A Dios colol kiꞌj, aju Tdios Jacob.