Binchanxa wiꞌje, Nman Dios
43
Nman Dios, binchanxa wiꞌje; colina wiꞌje cywitz ke xjal mya nimal teya. Chin tcloma cywitz ke xjal sbul ex mya baꞌn,2 aya Ndiose ex colol wiꞌje. ¿Tikuꞌn ma chin el ticꞌuna? ¿Tikuꞌn cucx tuꞌn ntene tuj bis tuꞌnju yajbil wiꞌje cyuꞌn ke aj kꞌoj?
3 Samantza t-spicꞌumala weye ex tyola axix toc tuꞌntzun nẍaklunjtze cyuꞌn tuj nbeye, ex tuꞌn nxi kꞌiꞌne twi witz xjan aju etzan tuꞌna, tuj lugar jatum najliya.
4 Chin poltzune twitz t-altara Nman Dios, ex atzun cxel nkꞌoꞌne chjonte teya tuꞌn tkꞌajkꞌajel twi chnab arpa, porque aya Ndiose ex tuꞌna nim in chin tzalaje.
5 ¿Tikuꞌn in chin bisune? ¿Tikuꞌn in tzaj baj ncꞌuꞌje? Oꞌcx tiꞌj Dios ma keꞌ ncꞌuꞌje, ex cucx cjawil nnimsaꞌne tbi, porque a Ndiose ex clol weye.