2 Cynimsan jawe aju tbi Kman tbanilxix, ex che cꞌulune te tuj lugar xjan, aju tbanilxix.

3 Aju tkꞌajkꞌajel twiꞌ Kman in kꞌajt tibaj mar; aju Dios maꞌxix tajwalil in tininin wen; ate Kman tcubsaꞌn tibaj nintz mar.

4 Aju tkꞌajkꞌajel twiꞌ Kman cyuwte; aju tkꞌajkꞌajel twiꞌ Kman nimxix tipumal;

5 tuꞌn tkꞌajkꞌajel twiꞌ Kman in che baj jachj ke tzeꞌ wiꞌten. Tuꞌn Kman in che baj tjachin ke tzeꞌ wiꞌten twi witz Líbano.

6 In che tzaj luꞌlun ke witz Líbano ex Sirión tuꞌn; ex in bant cytꞌicpaj tuꞌn, ic tzaꞌn ke tor ex ke tal tor.

7 Tuj tkꞌajkꞌajel twiꞌ Kman nneꞌtz tkan kꞌakꞌ;

8 tuꞌnju tkꞌajkꞌajel twiꞌ Kman in jaw luꞌlun aju lugar mintiꞌ cynajbil xjal tuj; tuꞌn Kman in jaw luꞌlun aju lugar mintiꞌ cynajbil xjal tuj, aju tcub tuj Cades.

9 Tuꞌn tkꞌajkꞌajel twiꞌ Kman in che baj kutzꞌj ke tzeꞌ cꞌol ex in che cyaj ten ke chcꞌul mintiꞌ jun wiꞌ tzeꞌ cyuj. Tuj tja Dios cycyakil in xi cykꞌoꞌn nimbil te.

10 Ate jbal tcyaj tjakꞌ tcawbil Kman, ex ate Kman toc te rey tuꞌn tcawin te jumajx.

11 In xi tkꞌoꞌn Kman cyipun ke xjal etzan tuꞌn, ex in che cub tcyꞌiwlaꞌn tuꞌn cyten tuj tzalajbil.