2 chin tqueꞌyin baja, chin tkꞌonca tuj malbil, kꞌonca ke nximbetze tuj malbil cyucꞌix keju tbis ncꞌuꞌje.

3 Cucx in tzaj nnaꞌne tcꞌujlalila ex cucx in tene tzꞌaklxix twitza;

4 mi jun maj o chin tene junx cyucꞌil ke xjal nicꞌal yol ex mintiꞌ o tzꞌoc njunin wibe cyucꞌil keju xmletzꞌ ke.

5 Nneꞌl wicꞌune aju buyj tibil cyuꞌn ke xjal mya baꞌn; mi jun maj o chin tene junx cyucꞌil ke xjal jumajx mya baꞌn ke.

6 Jacu tzꞌel ntxꞌjone nkꞌabe tuꞌn tel nicꞌbaj tiꞌj mintiꞌ wile, waje tuꞌn nxi lakꞌeꞌye twitz t-altara Nman,

7 ex tuꞌn cyxi nbitzane ke bitz te nimbil teya, ex tuꞌn cyxi nmaꞌne ke tbinchbena maꞌ cyxilen.

8 Nman, cꞌujlaꞌn tjaya wuꞌne jatum najliya, aju lugar jatum tcubsaꞌn tajwalila.

9 Miꞌn takꞌa ambil tuꞌn ncyime ic tzaꞌn in che cyim ke aj il; ex miꞌn tbinchaya wiꞌje ic tzaꞌn cbajel cyiꞌj ke byol xjal,

10 akeju cucx in cybinchaꞌn mya baꞌn ex in cycꞌmoꞌn pwak nok tuꞌn mi tcub cysentens xjal cyuꞌn.

11 Atzun weye mintiꞌ wile; cyjaꞌtzun chin tcloma, kꞌakꞌantz tcꞌuꞌja wiꞌje.

12 Atzun cycubsaꞌn nkane tibaj txꞌotxꞌ cyuw tten; ex cjawil nnimsaꞌne Kman cywitz ke xjal etzan tuꞌn.