2 Maxwit tuj tja tuj tnam Sión tzaj t-samaꞌn onbil teya.

3 Baꞌnwt ttzaj tnaꞌn cycyakil ke toyaja ex tuꞌn t-xi tcꞌmoꞌn tucꞌil tzalajbil ke oyaj in che cub tpatuna tibaj altar.

4 Baꞌnwt tzaj tkꞌoꞌn tcyakilju tajbila ex bant-xwit tcyakilju cbel t-ximana.

5 Jacu ko tzalaje wen oc tcambana, ex cjawil kyobine bandera twitz cyaꞌj tuj tbi Kdios. Tzajwit tkꞌoꞌn Kman tcyakilju tkanbetza.

6 Ma tzꞌel nnicꞌe tiꞌj, tuꞌnte Kman oc cambal aju rey o jaw t-scꞌoꞌn; max tuj cyaꞌj aju lugar xjan ctzajel ttzakꞌweꞌn, ctzajel tkꞌoꞌn tipun tuꞌn tcamban.

7 At junjun cꞌloj xjal atzun nnoꞌc keꞌ cycꞌuꞌj cyiꞌj ke cycarwaj in che ajben tuj kꞌoj, ex at junjuntl atzun nnoꞌc keꞌ cycꞌuꞌj cyiꞌj ke cychej; atzun ke, atzun nnoꞌc keꞌ kcꞌuꞌj tiꞌj Kman aju Kdios.

8 Ke xjal lu cꞌelel bakj cykan ex che bel tzꞌak. Atzun ke cucx ko tel waꞌlxix.

9 Nman, kꞌonxa ambil tuꞌn tcamban ju rey. Ko ttzakꞌwentza oc ktxocone tiꞌja.