2 O txi nmaꞌne teya: Aya Nmane, nok tuꞌna in chin tene tuj txubtxaj, mi jun jacu pon ic tzaꞌn aya.

3 Keju baꞌn che niman Dios ex keju tzꞌaklxix ateꞌ twitz txꞌotxꞌ, nim in chin tzalaje cyiꞌj,

4 atzun keju in che ajben cye junxitl dios, tzul nimxix bis cyiꞌj. Mlay chin tene cyucꞌil oc t-xi cykꞌoꞌn chicꞌ te jun chojbil te cydios, mlay txi nmaꞌne aju cybi ke cydios.

5 Nman, oꞌcxcu aya wetzbile; nim in tkꞌoꞌna weye, ex tuj tkꞌaba taꞌ nchwinklale.

6 Tbanilxix ju txꞌotxꞌ ma ncꞌulbaye, mejorxix aju wetzbile ma tzaj kꞌoꞌn.

7 Cxel nkꞌoꞌne chjonte te Kman porque a in tzaj kꞌonte nnable, ex a in tzaj kꞌonte xnakꞌtzbil tuj wanmiye te konicꞌan.

8 At Kman wucꞌile tcyakil maj, ex tuꞌnju at ntxlaje tuj nbankꞌabe, mlay chin yucche.

9 Cyjaꞌtzun at nim tzalajbil tuj wanmiye; tcyakil nximlale cꞌoquel cwentin tuꞌn miꞌn tnaj,

10 porque mlay cyaj tkꞌoꞌna wanmiye tuj cynajbil cyimni ex mlay chin cyaj tkꞌoꞌna tuꞌn ttzuwix nximlale, akine nimal teya.

11 Tzul tyecꞌuna weye aju tbeyil chwinklal. At nim tzalajbil tuꞌn ntene tucꞌila, at nim achbil tucꞌila te jumajx.