2 Oꞌcx aju xjal in bet tuj tumelxix ex in tbinchaꞌn aju tzꞌaklxix, aju in tmaꞌn jun yol axix toc tuꞌn tcyakil tanmi;

3 aju mintiꞌ in yolin mya baꞌn tiꞌj juntl; aju mintiꞌ in tbinchaꞌn mya baꞌn tiꞌj tamiw, ex mintiꞌ in xoꞌn yol tiꞌj tvesin;

4 aju icꞌun tuꞌn aju xjal icꞌun tuꞌn Dios, ex in che jaw tnimsaꞌn keju in che niman te Kman, aju in japun tuꞌn aju trat otok txi ttziyan masque mya baꞌn ma tzꞌela;

5 aju in xi tkꞌoꞌn tpwak te cychꞌex xjal ex mintiꞌ in tkanin taꞌl, ex aju mintiꞌ in tcꞌmoꞌn pwak in tzaj oyin te tuꞌn tcub t-sentens jun xjal mintiꞌ til. Aju xjal in bant tcyakil jlu tuꞌn tuj tumel, mlayx cub tzꞌak.