2 Max tuj cyaꞌj in che tzaj tqueꞌyin Kman ke xjal, ka at jun at tnabl ex ka at jun in ximan tiꞌj Dios.

3 Cycyakil ma che el tzpet ex in che bet tuj be mya baꞌn; junx ma che el ex mintiꞌ cyajben. Mi aꞌl jun in binchan baꞌn, misicyer jun.

4 Mintiꞌx cynabl keju binchal mya baꞌn, akeju in che yajlan cyiꞌj ke xjal etzan wuꞌne; tuj cywitz ka mya il jlu, ex mintiꞌ in tzaj cynaꞌn nbiye, chi Dios.

5 Che tzajel luꞌlun tuꞌn cyxobil, porque at Dios cyucꞌil keju baꞌn che niman te.

6 In che oc ten tzacsalte cyximbetz keju mans, pero ate Kman clolte cye.

7 Cuchiwt tzaj colbil cye aj Israel twi witz Sión. Oc cyajtz meltzꞌaj ke xjal etzan tuꞌn Kman, akeju otok cheꞌx kꞌiꞌn pres najchak, oc che tzalajel tiyjil Jacob ex cycyakil aj Israel.