2 Tuꞌnju in jaw nimsaꞌn tbiya cyuꞌn ke tal cꞌwaꞌl cyucꞌix keju naꞌnx cyel tiꞌj cychꞌuꞌ, ma jaw tbinchaꞌna jun ja te colbil tuꞌn cylaj ke aj kꞌoj tiꞌja, tuꞌntzun cybaj naj keju miban che niman ex ke aj kꞌoj.

3 Oc in xi nqueꞌyine aju twitz cyaꞌj bant tuꞌna, aju xjaw ex ke cheꞌw ateꞌc tuꞌna twitz,

4 in cub nximane: ¿Ti cyxilen ke xjal? ¿Tikuꞌn cucx in che tzaj tnaꞌna ex cwentin ke tuꞌna?

5 O tbinchaya ke xjal chꞌixmi pon cyoclen ic tzaꞌn ke anjel, ex oc tkꞌoꞌna cyajwalil ex nimbil cye ic tzaꞌn jun rey.

6 Xi tkꞌoꞌna cyoclen tibaj tcyakil takꞌunbena, ex cyaj tkꞌoꞌna tcyakil tjakꞌ cycawbil.

7 Cyaj tkꞌoꞌna ke ẍneꞌl tjakꞌ cycawbil, cyucꞌix ke wacẍ ex ke txcup te tjakꞌ cꞌul,

8 cyucꞌix ke chyuꞌj in che lipan twitz cyaꞌj, ke cyiẍ tuj mar ex cycyakil keju ateꞌ tuj mar.

9 Aya Kman Dios Tajaw Tcyakil, maꞌxix t-xilen tbiya tuj tcyakil twitz txꞌotxꞌ.