2 Aya Nman, kꞌakꞌantz tcꞌuꞌja wiꞌje tuꞌnju nnaꞌne mintiꞌ wipune. Aya Nman, chin tkꞌanan oca porque in luꞌlun nximlale.

3 In chin luꞌlune tuꞌn nxobile. Yajtzun teya Nman, ¿jtojtzun chin tzaj tonina?

4 Ttzaja Nman, chin tcloma, chin tcloma tuꞌn tcꞌujlalila.

5 Mi jun xjal otok cyim jacu tzaj naꞌnte teya; ¿alcye jun cyimni jacu jaw nimsante teya tuj mukbil?

6 Ma chin sicte tuꞌn okꞌel. Tcyakil konicꞌan in chin okꞌe nim, ma tzꞌacꞌ nkꞌaxwiꞌye tuꞌn taꞌl nwitze.

7 Ma tzꞌoc muj tiꞌj tbakꞌ nwitze tuꞌn cꞌixcꞌoj; ma tzꞌoc muj tiꞌj nwitze nok tuꞌn cylaj ke aj kꞌoj wiꞌje.

8 Cypaꞌmil cyibe wiꞌje akeye binchal mya baꞌn, porque ma tbi Kman tkꞌajkꞌajel nwiꞌye in chin okꞌe.

9 Ma txi tbiꞌn Kman aju ncubsbile, ma cꞌmet nnaꞌj Diose tuꞌn.

10 Ke aj kꞌoj wiꞌje ctzajel cychꞌixwi ex ctzajel baj cycꞌuꞌj, ex minaben che elel ok tuꞌn cychꞌixwi.