3 ¿Tikuꞌn in ko oc tkꞌoꞌn ic tzaꞌn jun txcup ex in ko oc tkꞌoꞌn mintiꞌ knabl?

4 ¿Chipetzuna ka tuꞌnju in baj tcꞌixbisan tiba tuꞌn ttxꞌuꞌjila, cyjel ten twitz txꞌotxꞌ mintiꞌ xjal tuj ex ka che icꞌel ke pic tuj cylugar?

5 Cbel yupj spicꞌun at tucꞌil xjal mya baꞌn ex cbel yupj kꞌakꞌ at tuj tja,

6 aju tcandil cbel yupj; mintiꞌtl spicꞌun ctel tuj tja.

7 Masque at tipun tuꞌn tbet pero cbel numj, ex aju mya baꞌn in cub t-ximan tiꞌj juntl, te tex cꞌajbel.

8 Cbel ten jun cꞌobil tuj tbe, ex cbel tzꞌak tuj cꞌobil lu.

9 Cbel ten jun sakbak jatum cbel tkan, oc ticꞌx ax cꞌoquel tbalkꞌiꞌn tib sakbak tiꞌj tkul tkan.

10 Mintiꞌ kꞌanchaꞌl cꞌobil tcub tuj be tuꞌntzun ttzyet tuj oc ticꞌ bet.

11 Tuj tcyakil part in tzaj t-xobil tiꞌj; oc in bet mer ic tzaꞌn at jun lajolte tnaꞌn.

12 In baj tipun tuꞌn weꞌyaj; aju mya baꞌn banin tten tuꞌn ttzaj tiꞌj.

13 In baj waꞌn ttzꞌumal tuꞌn yabil, ex cheba in xi chyoꞌn t-ximlal tuꞌn yabil cyuwxix.

14 Cꞌeletz kꞌiꞌn tuj tja jatum taꞌtok tuj txubtxaj, ex cxel jawoꞌn tuꞌn tpon twitz tajwil camic.

15 Cꞌoquel kꞌoꞌn tkꞌakꞌal tja ex cxel chitun asufre tibaj tetzbil tuꞌn tnaj.

16 Ic tten ic tzaꞌn jun tzeꞌ tzkij tlocꞌ ex tzkij ke tkꞌab.

17 Cꞌicꞌel tnaꞌnjtz cyuꞌn xjal, ex mlay tzaj naꞌn tbi juntl maj.

18 Cꞌelex kꞌiꞌn tuj spicꞌun tuꞌn tpon tuj klolj; ex cꞌelex lajoꞌn tzalu twitz txꞌotxꞌ.

19 Mintiꞌ jun tcꞌwaꞌl ex mi tiyjil cyjel ten tuj ttanmi; mintiꞌ jun cye keju ateꞌ tuj tja che cyjel ankꞌin.

20 Octzun tbinjtz tuj tcyakil lugar aju otok baj tiꞌj, oc che secꞌpajtel xjal ex ctzajel t-xobil cyiꞌj.

21 Atzun cbajel tiꞌj xjal mya baꞌn ex mintiꞌ ojtzkiꞌn Dios tuꞌn, chi Bildad.