Aju cytxꞌotxꞌ aj Judá
15
Aju txꞌotxꞌ oc te cye tiyjil Judá tej tjaw swert tiꞌj ic tzaꞌnx cyajlal teyle junjun cꞌloj cyiyjil, pon baj max tmojonil cytxꞌotxꞌ aj Edom, atzun tuj tnayaj kꞌij pon baj max tuj tzkij txꞌotxꞌ Zin; 2 aju mojon tumlal tnayaj kꞌij, atzun in xi keꞌ max ttxaꞌn mar at nim atzꞌan tuj, 3 xiꞌyintl tuꞌn tjax twitz jawl Acrabim, exni tuj tzkij txꞌotxꞌ Zin, exni tuj chkꞌajlaj Cades-barnea, xiꞌyintl tuꞌn tpon max tuj Hezrón, jawinx max tuj Adar, in kꞌoꞌn welt max tuj lugar Carca, 4 ex atzun icꞌni tuꞌn tpon max tuj lugar Asmón, tuꞌn tex ttzi tkꞌab xak te Ejipt, ex japun baj ttzi Nintz mar. Atzunju mojon lu tuj tnayaj kꞌij. 5 Aju tmojonil tuj tjawitz kꞌij, atzun mar at nim atzꞌan tuj, ex ponin baj max jatum nnoꞌcx nima Jordán tuj mar at nim atzꞌan tuj. Ex atzun tzajni keꞌ tmojonil tuj tbankꞌab kꞌij: 6 Jawnix tuj lugar Bet-hogla, icꞌni twi txꞌotxꞌ Bet-arabá, icꞌni tuꞌn tpon jatum taꞌ pic Bohán, (ate Bohán tcyꞌajal Rubén), 7 jawnix tuj chkꞌajlaj Acor tuꞌn tpon tuj tnam Debir, ex atzun cubintz tuj Gilgal, tcubsaꞌn twitz jawl Adumín, tcuꞌtz ma t-xe tkꞌab xak, ex icꞌintl mojon jatum taꞌ twi aꞌ En-semes, xiꞌyni tuꞌn tpon max tuj lugar En-rogel; 8 ex icꞌni tuj chkꞌajlaj Ben-hinom, t-xe twitz jawl Jebús ex ka Jerusalén, ex jawnix twi witz aju tcubsaꞌn tuj telex kꞌij te chkꞌajlaj Hinom ex tuj tbankꞌab kꞌij te chkꞌajlaj Refaim, 9 tuꞌntzun tkꞌon welt twi witz, ex tuꞌn tpon max jatum taꞌ twi aꞌ Neftoa, ex tuꞌn tpon max cyuj ke tnam ateꞌ twi witz Efrón, icꞌni tuj tnam Baala ex ax juntl tbi Quiriat-jearim. 10 Atzun in meltzꞌaj mojon tuj telex kꞌij te tnam Baala tuꞌn tpon max twi witz Seir, ex elnix tuj tbankꞌab kꞌij twi witz Queslón aju ax juntl tbi Jearim, tuꞌntzun tcubil max tuj tnam Bet-semes, ex tuꞌn ticꞌ tuj tnam Timna, 11 ex elnix tuj tbankꞌab kꞌij twitz jawl te tnam Ecrón, ex elnix twi witz Baala, tuꞌn tex tuj lugar Jabneel, tuꞌntzun tpon baj ttzi Nintz mar. 12 Ate Nintz mar oc te mojon tuj telex kꞌij. Atzun ke mojon lu tiꞌj etzbil o cycꞌam ke tiyjil Judá, ex cub sipan cyxol junjun cꞌloj cyiyjil.Cub cyiꞌj tnam Hebrón ex Debir tuꞌn Caleb
13 Xi tkꞌoꞌn Josué te Caleb aju tcyꞌajal Jefone jun piẍ txꞌotxꞌ tiꞌj cytxꞌotxꞌ ke tiyjil Judá, ic tzaꞌnx otok tma Kman te Josué. Xi tkꞌoꞌn aju tnam Quiriat-arba aju ax juntl tbi Hebrón. Ate Arba t-xeꞌchel Anac. 14 Atzun e ex tlajoꞌn Caleb ox tiyjil Anac, ex atzun cybi jlu: Sesai, Ahimán ex Talmai. 15 Te tibajxi xiꞌ kꞌojlel cyiꞌj ke xjal najlke tuj tnam Debir, aju Quiriat-sefer tbi nej. 16 Ex tma Caleb: Alcye jun ma tzꞌoc tzokpaj tiꞌj tnam lu, ex ka ma cub tiꞌj tuꞌn, jacu txi nkꞌoꞌne nmeꞌjele Acsa te tuꞌn toc te t-xuꞌjil.
17 Tzyet tnam lu tuꞌn Otoniel aju tcyꞌajal Cenes, aju ax terman Caleb, ex xi tkꞌoꞌn Caleb Acsa te, aju tmeꞌjel, tuꞌn toc te t-xuꞌjil. 18 Tej otok bant tten Acsa tuꞌn t-xiꞌ tucꞌil Otoniel, xi tmaꞌn Otoniel te tuꞌn t-xi tkanin te tman jun piẍ txꞌotxꞌ te cojbil. Cuꞌtztzun Acsa tibaj bur ex xi tkanin Caleb te:
—¿Ti taja?
19 —Wajbile tuꞌn t-xi nkanine jun xtalbil teya— chi Acsa, xi ttzakꞌweꞌn. —Yaque ma tzaj tkꞌoꞌna weye aju tzkij txꞌotxꞌ tuj lugar Néguev, ax icx kꞌontza ke twi aꞌ weye.
Xitzun tkꞌoꞌn Caleb ke twi aꞌ te jawni ex ke twi aꞌ te cubni te.
Ke tnam cye ke tiyjil Judá
20 Atzun cyetzbil ke tiyjil Judá jlu, aju cub sipan cyxol teyle junjun cꞌloj cyiyjil. 21 Akeju tnam e oc te cye tuj txꞌotxꞌ Néguev, ponin max tuj tmojonil cytxꞌotxꞌ aj Edom, atzun ke jlu: Cabseel, Edar, Jagur, 22 Cina, Dimona, Adada, 23 Cedes, Hazor, Itnán, 24 Zif, Telem, Bealot, 25 Hazor-hadata, Queriot, Hezrón (aju ax juntl tbi Hazor), 26 Amam, Sema, Molada, 27 Hazar-gada, Hesmón, Bet-pelet 28 Hazar-sual, Beerseba, Bizotia, 29 Baala, Iim, Esem, 30 Eltolad, Quesil, Horma, 31 Siclag, Madmana, Sansana, 32 Lebaot, Silhim, Aín ex Rimón. O japun 29 tnam tuꞌn tcyakilx, cyucꞌix ke aldey ateꞌ cyiꞌjele.
33 Atzun tuj chkꞌajlaj, atzun ke tnam jlu e oc te cye: Estaol, Zora, Asena, 34 Zanoa, En-ganim, Tapúa, Enam, 35 Jarmut, Adulam, Soco, Azeca, 36 Saaraim, Aditaim, Gedera ex Gederotaim; cyajlaj tnam tuꞌn tcyakilx, cyucꞌix ke aldey ateꞌ cyiꞌjele.
37 Ex ke tnam Zenán, Hadasa, Migdal-gad, 38 Dileán, Mizpa, Jocteel, 39 Laquis, Boscat, Eglón, 40 Cabón, Lahmam, Quitlis, 41 Gederot, Bet-dagón, Naama ex Maceda; kaklaj tnam tuꞌn tcyakilx, cyucꞌix ke aldey ateꞌ cyiꞌjele.
42 Ex ke tnam Libna, Eter, Asán, 43 Jifta, Asena, Nezib, 44 Keila, Aczib ex Maresa; belaj tnam tuꞌn tcyakilx, cyucꞌix ke aldey ateꞌ cyiꞌjele.
45 Ax icx tnam Ecrón, cyucꞌix ke taldey ex mastl tal lugar ateꞌ tiꞌjele. 46 Xiꞌyinx tuj tnam Ecrón ex ponin baj max ttzi Nintz mar, tcyakil txꞌotxꞌ toc nikayin tiꞌj tnam Asdod, junx cyucꞌil ke taldey.
47 Ax icx tnam Asdod, cyucꞌix ke taldey ex ke mastl lugar ateꞌ tiꞌjele, ex tnam Gaza, cyucꞌix ke taldey ex ke mastl lugar ateꞌ tiꞌjele, cupun baj max ttzi tkꞌab xak te Ejipt ex ponin baj ttzi Nintz mar.
48 Tuj tiwitz txꞌotxꞌ, atzun ke tnam lu e oc te cye aj Judá: Samir, Jatir, Soco, 49 Dana, Quiriat-sana (aju ax juntl tbi Debir), 50 Anab, Estemoa, Anim, 51 Gosén, Holón ex Gilo; junlaj tnam tuꞌn tcyakilx, cyucꞌix ke aldey ateꞌ cyiꞌjele.
52 Ex ke tnam Arab, Duma, Esán 53 Janum, Bet-tapúa, Afeca, 54 Humta, Quiriat-arba, (aju ax juntl tbi Hebrón) ex Sior; belaj tnam tuꞌn tcyakilx, cyucꞌix ke aldey ateꞌ cyiꞌjele.
55 Ex ke tnam Maón, Carmel, Zif, Juta, 56 Jezreel, Jocdeam, Zanoa, 57 Caín, Gabaa ex Timna; laj tnam tuꞌn tcyakilx, cyucꞌix ke aldey ateꞌ cyiꞌjele.
58 Ex ke tnam Halhul, Bet-sur, Gerdor, 59 Maarat, Bet-anot ex Eltecón; kak tnam tuꞌn tcyakilx, cyucꞌix ke aldey ateꞌ cyiꞌjele.
60 Ke tnam Quiriat-baal aju ax juntl tbi Quiriat-jearim, ex tnam Rabá, cyucꞌix ke cy-aldey ateꞌ cyiꞌjele.
61 Tuj lugar tzkij txꞌotxꞌ, atzun ke tnam lu e oc te cye: Bet-arabá, Midín, Secaca, 62 Nibsán, aju tnam at nim atzꞌan tuj, ex En-gadi; kak tnam tuꞌn tcyakilx, cyucꞌix ke cy-aldey ateꞌ cyiꞌjele.
63 Ke tiyjil Judá mintiꞌ e xcyeꞌ tuꞌn cyex cylajoꞌn ke xjal aj Jebusey akeju najl tuj Jerusalén, cyjaꞌtzun ax najlke aj Jebusey jaꞌlo tuj Jerusalén junx cyucꞌil ke tiyjil Judá.