Aju cybi lugar jatum e cub ten aj Israel tej cyetz tuj Ejipt tejxi cyul ttzi nima Jordán
33
Atzun ke lugar lu jatum e cub ten aj Israel tej cybet, tej cyetz tuj Ejipt tuj cꞌlojin cyten ic tzaꞌn soldad, ẍakluꞌn ke tuꞌn Moisés ex tuꞌn Aarón. 2 Cub ttzꞌiban Moisés cybi teyle junjun lugar jatum e cub ten junjun maj, ic tzaꞌnx o tma Kman te. Atzun ke lugar lu jatum e cub ten ex jatum in che icꞌ bet juntl maj.3 E jeꞌtz aj Israel tuj tnam Ramesés tuj olaj tajlal tnejel xjaw te abkꞌi, matok jun kꞌij tbajlen cyicꞌsaꞌn Xjan Kꞌij. E jeꞌtz tucꞌil nim tipumal Dios cywitz cycyakil aj Ejipt, 4 tej matok in che makun aj Ejipt cyiꞌj nej cycyꞌajal, akeju otok che cyim tuꞌn Kman, porque otok cub cysentens cydios aj Ejipt tuꞌn Kman.
5 E jeꞌtztzun aj Israel tuj tnam Ramesés ex e cub ten tuj lugar Sucot.
6 Cyicꞌlenxi tuj lugar Sucot, e cub tentl tuj lugar Etam ttxaꞌn tzkij txꞌotxꞌ.
7 Cyicꞌlenxi tuj lugar Etam, e kꞌon welt tuꞌn cypon tuj lugar Pi-hahirot, aju tcubsaꞌn tuj tjawitz kꞌij te lugar Baal-sefón, ex atzun e cub tentl tumlal twitz lugar Migdol.
8 Cyicꞌlenxi tuj lugar Pi-hahirot, e icꞌx tuj mar ex e pon tuj lugar tzkij txꞌotxꞌ. Ox kꞌij e bet tuj lugar tzkij txꞌotxꞌ Etam, ex atzun e cub tentl tuj lugar Mara.
9 Cyicꞌlenxi tuj lugar Mara, e pon tuj lugar Elim jatum attok cablaj twi aꞌ ex 70 wiꞌ tkan xaꞌj, ex atzun e cub tentl.
10 Cyicꞌlenxi tuj lugar Elim, atzun e cub tentl ttzi mar Cyak Queꞌyin.
11 Cyicꞌlenxi ttzi mar Cyak Queꞌyin, atzun e cub tentl tuj tzkij txꞌotxꞌ Sin.
12 Cyicꞌlenxi tuj tzkij txꞌotxꞌ Sin, atzun e cub tentl tuj lugar Dofca.
13 Cyicꞌlenxi tuj lugar Dofca, atzun e cub tentl tuj lugar Alús.
14 Cyicꞌlenxi tuj lugar Alús, atzun e cub tentl tuj lugar Refidim jatum mintiꞌtok aꞌ te cycꞌa aj Israel.
15 Cyicꞌlenxi tuj lugar Refidim, atzun e cub tentl tuj tzkij txꞌotxꞌ t-xe witz Sinaí.
16 Cyicꞌlenxi tuj tzkij txꞌotxꞌ t-xe witz Sinaí, atzun e cub tentl tuj lugar Kibrot-hataava.
17 Cyicꞌlenxi tuj lugar Kibrot-hataava, atzun e cub tentl tuj lugar Hazerot.
18 Cyicꞌlenxi tuj lugar Hazerot, atzun e cub tentl tuj lugar Ritma.
19 Cyicꞌlenxi tuj lugar Ritma, atzun e cub tentl tuj lugar Rimón-perez.
20 Cyicꞌlenxi tuj lugar Rimón-perez, atzun e cub tentl tuj lugar Libna.
21 Cyicꞌlenxi tuj lugar Libna, atzun e cub tentl tuj lugar Rissa.
22 Cyicꞌlenxi tuj lugar Rissa, atzun e cub tentl tuj lugar Ceelata.
23 Cyicꞌlenxi tuj lugar Ceelata, atzun e cub tentl t-xe witz Sefer.
24 Cyicꞌlenxi t-xe witz Sefer, atzun e cub tentl tuj lugar Harada.
25 Cyicꞌlenxi tuj lugar Harada, atzun e cub tentl tuj lugar Macelot.
26 Cyicꞌlenxi tuj lugar Macelot, atzun e cub tentl tuj lugar Tahat.
27 Cyicꞌlenxi tuj lugar Tahat, atzun e cub tentl tuj lugar Tara.
28 Cyicꞌlenxi tuj lugar Tara, atzun e cub tentl tuj lugar Mitca.
29 Cyicꞌlenxi tuj lugar Mitca, atzun e cub tentl tuj lugar Hasmona.
30 Cyicꞌlenxi tuj lugar Hasmona, atzun e cub tentl tuj lugar Moserot.
31 Cyicꞌlenxi tuj lugar Moserot, atzun e cub tentl tuj lugar Bene-jaacán.
32 Cyicꞌlenxi tuj lugar Bene-jaacán, atzun e cub tentl tuj lugar t-xe witz Gidgad.
33 Cyicꞌlenxi tuj lugar t-xe witz Gidgad, atzun e cub tentl tuj lugar Jotbata.
34 Cyicꞌlenxi tuj lugar Jotbata, atzun e cub tentl tuj lugar Abrona.
35 Cyicꞌlenxi tuj lugar Abrona, atzun e cub tentl tuj lugar Ezión-geber.
36 Cyicꞌlenxi tuj lugar Ezión-geber, atzun e cub tentl tuj lugar Cades tcubsaꞌn tuj tzkij txꞌotxꞌ Zin.
37 Cyicꞌlenxi tuj lugar Cades, atzun e cub tentl t-xe witz Hor tcubsaꞌn tmojonil Edom. 38 Jax pal Aarón twi witz Hor ic tzaꞌnx otok tma Kman te, ex atzun o cyim ma chixin tuj tnejel kꞌij te tjweꞌyin xjaw tej tjapun 40 abkꞌi cyetzlen aj Israel tuj Ejipt. 39 Otok japun Aarón twiꞌ 123 abkꞌi tej tcyim twi witz Hor.
40 At jun aj Canaán toctok te rey tuj tnam Arad, ex najltok tuj Néguev te Canaán, o tbi ka cyjaꞌ cypon aj Israel.
41 Cyicꞌlenxi aj Israel t-xe witz Hor, atzun e cub tentl tuj lugar Zalmona.
42 Cyicꞌlenxi tuj lugar Zalmona, atzun e cub tentl tuj lugar Punón.
43 Cyicꞌlenxi tuj lugar Punón, atzun e cub tentl tuj lugar Obot.
44 Cyicꞌlenxi tuj lugar Obot, atzun e cub tentl tuj lugar Ije-abarim, tcubsaꞌn tuj tmojonil cytxꞌotxꞌ aj Moab.
45 Cyicꞌlenxi tuj lugar Ije-abarim, atzun e cub tentl tuj lugar Dibón-gad.
46 Cyicꞌlenxi tuj lugar Dibón-gad, atzun e cub tentl tuj lugar Almón-diblataim.
47 Cyicꞌlenxi tuj lugar Almón-diblataim, atzun e cub tentl cyxe witz Abarim tuj tjawitz kꞌij te witz Nebo.
48 Cyicꞌlenxi cyxe witz Abarim, atzun e cub tentl tuj tchkꞌajlajil txꞌotxꞌ Moab, tcubsaꞌn ttzi nima Jordán tumlal twitz tnam Jericó. 49 Axtzun e cub ten ttzi nima Jordán xiꞌx keꞌ cytxaꞌn tuj lugar Bet-jesimot ex max pon baj tuj lugar Abel-sitim cyuj tchkꞌajlajil txꞌotxꞌ Moab.
Alcye tuꞌn cybinchante aj Israel oc cypon tuj txꞌotxꞌ Canaán ex oc tcub sipet txꞌotxꞌ
50 Tzaj yolin Kman tucꞌil Moisés cyuj tchkꞌajlajil txꞌotxꞌ Moab, ttzi nima Jordán tumlal twitz tnam Jericó ex tma:
51 Kꞌmanxa cye aj Israel cyjaꞌ: Oc cyicꞌxe tuj nima Jordán ex oc cyocxe tuj txꞌotxꞌ Canaán, 52 bix tzꞌex cylajoꞌne cycyakil xjal najl tuj txꞌotxꞌ, ex bix baj cybuchine cycyakil tilbilal nnoꞌc cydiosin, abj ex cꞌuxbil cytxꞌotxꞌil, ex bix cub cytiline cycyakil lugar in che ajben te cycꞌulbil cywiꞌ ke witz. 53 Cytzyume txꞌotxꞌ ex che najane twitz, porque wuꞌne cxel nkꞌoꞌne cyeye tuꞌn toc te cyetzbile. 54 Tuj swertin cbel cysipane txꞌotxꞌ cyxol cycyakil cꞌloj cyiyjil aj Israel; cye keju cꞌloj mas nim cybaj, ax mas nim cytxꞌotxꞌ tuꞌn t-xi kꞌot, ex cye keju cꞌloj mya nim cybaj, ax mya nim cytxꞌotxꞌ tuꞌn t-xi kꞌot. Cbel cysipane txꞌotxꞌ cyxole ic tzaꞌn junjun cꞌloj cyiyjile. Nok jatum oc tma swert, atzun cytxꞌotxꞌ oc cycꞌmaꞌ. 55 Katzun mintiꞌ ma che ex cylajoꞌne ke xjal najl tuj txꞌotxꞌ lu, akeju ax che cyjel ten che oquel te cyeye ic tzaꞌn chꞌiꞌx tuj tbakꞌ cywitze, ex ic tzaꞌn chꞌut tiꞌj cyximlale, ex che yajlanjtzele cyuꞌn oc cynajane tuj txꞌotxꞌ lu, 56 ex cyiꞌjxe cbantel wuꞌne aju ximamaj tuꞌn tbant cyiꞌj ke xjal lu, chi Kman te Moisés.