2 Ti jujuntiquilonla, yom mi lac chaꞌlen jini muꞌ bʌ i qꞌuel ti wen la quermañujob chaꞌan i wenlel yicꞌot chaꞌan i xucꞌchoncontyel i pusicꞌal ti lac Yum.

3 Como Cristo machꞌan tiꞌ chaꞌle chʌ bʌ bajñel yom i pusicꞌal pero ti ujti yicꞌot bajcheꞌ mi yʌleꞌ ti Tsꞌijbubil bʌ i Tꞌan Dios. Cristo tiꞌ sube Dios: Cheꞌ ñac ti yʌlꞌeyetyob, ti yʌlꞌeyoñob, cheꞌen. Cheꞌ tsꞌijbubil.

4 Como ti pejtyelel tsaꞌ bʌ tsꞌijbunti tiꞌ tꞌan Dios ti ñoj oniyix, ti tsꞌijbunti chaꞌan laj cʌntisʌntyel. Mi yʌqꞌueñonla i xucꞌtyʌlel lac pusicꞌal yicꞌot i ñuc isʌntyel chaꞌan machꞌan mi lac lujbꞌan laj cucheꞌ ti wen lac wocol.

5 Jini Dios muꞌ bʌ i yʌqꞌueñonla i xucꞌtyʌlel yicꞌot i ñuc isʌntyel lac pusicꞌal, laꞌ i yʌqꞌueñetla laꞌ motin ajñel ti jumpꞌej laꞌ pusicꞌal cheꞌ bajcheꞌ yom Cristo Jesús.

6 Cheꞌ jini, ti jumpꞌej laꞌ pusicꞌal chꞌujbi laꞌ motin sub i ñuclel Dios, i Tyat lac Yum Jesucristo.

7 Jin chaꞌan, chaꞌan i ñuc isʌntyel Dios, qꞌuele laꞌ bʌ ti wen cheꞌ bajcheꞌ tiꞌ qꞌueleyetla ti wen.

8 Mic subeñetla chaꞌan ti tyʌli Cristo chaꞌan i cotyan israelob chaꞌan miꞌ tsꞌʌctisan jini tꞌan tsaꞌ bʌ wʌ subentiyob lac yumob ti ñoj oniyix. Cheꞌ bajcheꞌ jini mi yʌcꞌ ti tsictiyel chaꞌan melelʌch miꞌ tsꞌʌctisan Dios jini tsaꞌ bʌ i wʌ alʌ mi quej i chaꞌlen.

9 Ti tyʌli jeꞌel chaꞌan mi yʌqꞌueñob jini mach bʌ israelobic chaꞌan i subeñob i ñuclel Dios chaꞌan tiꞌ pꞌuntyʌntiyob jeꞌel. Cheꞌ bajcheꞌ mi yʌleꞌ ti Tsꞌijbubil bʌ i Tꞌan Dios. Cristo tiꞌ pejcʌ Dios. Ti yʌlʌ:

10 Yaꞌ ti yambʌ tꞌan ti Tsꞌijbubil bʌ i Tꞌan Dios mi yʌleꞌ:

11 Yaꞌ ti yambʌ tꞌan mi yʌleꞌ:

12 Ti yʌlʌ Isaías jeꞌel:

13 Dios muꞌ bʌ yʌqꞌueñetla laꞌ pijtyan laꞌ qꞌuel i ñuclel, laꞌ i wen yʌqꞌueñetla i tijicniyel laꞌ pusicꞌal yicꞌot i ñʌchꞌtyʌlel chaꞌan chʌncol laꞌ chꞌujbin Dios. Laꞌ i jambeñetla laꞌ pusicꞌal Chꞌujul bʌ i Chꞌujlel Dios chaꞌan mi quej laꞌ wen ñaꞌtyan chaꞌan melelʌch mi quej i tsictiyel bajcheꞌ chʌncol laꞌ pijtyan.

14 Quermañujob, cujil isujm an cabʌl i yutslel laꞌ pusicꞌal yicꞌot yañoꞌ bʌ. Cujil isujm jeꞌel chaꞌan tsaꞌix laꞌ wen cʌñʌ i tꞌan Dios yicꞌot laꞌ wujil laꞌ cʌntisan laꞌ bʌ.

15 Wersa tic xiqꞌui c bʌ chaꞌan mic tsꞌijbubeñetla ili tꞌan. Pero cheꞌ jach mic chaꞌlen chaꞌan mic chaꞌ cꞌajtisʌbeñetla jini cʌñʌlix bʌ laꞌ chaꞌan. Dios, tiꞌ yutslel i pusicꞌal ti yʌqꞌueyon queꞌtyel chaꞌan chʌꞌʌch mic chaꞌlen.

16 Ti yʌqꞌueyon i yutslel i pusicꞌal chaꞌan mic sub Jesucristo yaꞌ baꞌan jini mach bʌ israelobic. Cheꞌ mic sub jini wen bʌ tꞌan mic chaꞌlen c toñel chaꞌan i cotyʌntyelob chaꞌan mi cʌqꞌuen Dios jini mach bʌ israeloꞌ bʌ chaꞌan i majtyan yubil. Jiñʌch i majtyan yom bʌ i chꞌʌm Dios chꞌujutisʌbil i chaꞌan Chꞌujul bʌ i Chꞌujlel Dios.

17 Tijicñayon chaꞌan wen tic chaꞌlibe i toñel Dios. Wen tic chaꞌle mach chaꞌanic c bajñel c toñel, pero chaꞌan Cristo tiꞌ cotyʌyon.

18 Machꞌan chʌ bʌ yambʌ com c subeñetla. Jini jach com tsictisʌbeñetla jini tsaꞌ bʌ i chaꞌle Cristo cheꞌ ñac tiꞌ cꞌʌñʌyon. Cheꞌ ñac tic subeyob i tꞌan Dios jini mach bʌ israelobic, Dios tiꞌ cꞌʌñʌ c tꞌan yicꞌot bajcheꞌ tic chaꞌle chaꞌan i yʌqꞌueñob i chꞌujbiben Dios.

19 Dios tiꞌ pʌsʌ i pꞌʌtyʌlel ti seña tyac yicꞌot ti ñuc tyac bʌ i pꞌʌtyʌlel. Chꞌujul bʌ i Chꞌujlel Dios tiꞌ chaꞌle toñel ti i pꞌʌtyʌlel tiꞌ pusicꞌalob chaꞌan tiꞌ chꞌujbiyob. Cheꞌʌch tsꞌʌcʌl tic wen subu majlel jini tꞌan chaꞌan laj cotyʌntyel ti Cristo cꞌʌlʌ ti Jerusalén cꞌʌlʌ ti pañimil Ilírico bʌ i cꞌabaꞌ.

20 Cheꞌ jini mic wen chaꞌlen wersa c sub jini tꞌan chaꞌan laj cotyʌntyel baꞌ max tyo bʌ baꞌan ubibilob i chaꞌan i cꞌabaꞌ Cristo, como mach com c chaꞌlen toñel baꞌ tiꞌ tyeche i toñel yambʌ.

21 Pero jini com bʌ c subeñob jiñʌch bajcheꞌ mi yʌleꞌ ti Tsꞌijbubil bʌ i Tꞌan Dios. Mi yʌleꞌ:

22 Jin chaꞌan, wersa com c subeñob i tꞌan Dios jini max tyo bʌ ubibilob i chaꞌan. Aunque cabʌl tic jopꞌo tyʌlel culaꞌañetla pero max tyo ti mejliyon ti tyʌlel.

23 Pero wale tsaꞌix ujti c toñel wʌꞌ ti ili lum tyac. Anix cabʌl jab com c tyʌlel yaꞌ baꞌañetla.

24 Baꞌ bʌ ora mic majlel ti pañimil España bʌ i cꞌaba, com c poj julaꞌ añetla cheꞌ mic ñumel yaꞌ baꞌ añetla. Tijicña mi quej cubin chaꞌan mij qꞌueletla. Cheꞌ jini cheꞌ tsaꞌix culaꞌayetla com mi laꞌ cotyañon c majlel yaꞌi.

25 Pero wale mi quej c majlel yaꞌ ti Jerusalén chaꞌan mic chꞌʌmeꞌ majlel tyaqꞌuin chaꞌan pꞌumpꞌuñoꞌ bʌ ochemoꞌ bʌ tiꞌ tꞌan Dios yaꞌi.

26 Como jini añoꞌ bʌ ti Macedonia yicꞌot ti Acaya tsaꞌix i muchꞌquiyob tyaqꞌuin tsaꞌ bʌ i lajayob i tꞌan i muchꞌquin chaꞌan i chocob majlel i majtyan baꞌan jini pꞌumpꞌuñoꞌ bʌ ochemoꞌ bʌ tiꞌ tꞌan Dios yaꞌ ti Jerusalén.

27 Chʌꞌʌch tiꞌ mulayob i cotyañob jini israeloꞌ bʌ ochemoꞌ bʌ tiꞌ tꞌan Dios jini mach bʌ israelobic. Chʌꞌʌch yom yubil como jini israeloꞌ bʌ tiꞌ cotyʌyob jini mach bʌ israelobic chaꞌan tiꞌ subeyob jini wen bʌ tꞌan chaꞌan laj cotyʌntyel ti Cristo. Jin chaꞌan jini mach bʌ israeloꞌ bʌ hermañujob yomob i cotyañob jini israeloꞌ bʌ hermañujob ti chʌ bʌ an i chaꞌañob.

28 Baꞌ bʌ ora mi yujtyel ili c toñel chaꞌan mi cʌqꞌueñob jini tyaqꞌuin mi quej c loqꞌuel majlel chaꞌan mic majlel yaꞌ ti España. Com culaꞌañetla cheꞌ mic ñumel majlel.

29 Cujil isujm cheꞌ mic tyʌlel yaꞌ baꞌ añetla mi quej i motin yʌqꞌueñonla Cristo cabʌl i yutslel i pusicꞌal, joñon cheꞌ mic subeꞌ i tꞌan, jatyetla cheꞌ mi laꞌ wubin.

30 Wale mic subeñetla, laꞌ wocolic hermañujob, chaꞌan ti lac Yum Jesucristo yicꞌot chaꞌan ti caj mi lac pꞌuntyan lac bʌ chaꞌan ti Chꞌujul bʌ i Chꞌujlel Dios, chaꞌlenla wersa quicꞌot ti oración.

31 Pejcʌbeñonla Dios chaꞌan machꞌan miꞌ tyʌcꞌlañoñob jini mach bʌ saj yom i chꞌujbin Cristo yaꞌ ti pañimil Judea bʌ i cꞌabaꞌ. Cꞌajtibenla Dios jeꞌel chaꞌan hermañujob yaꞌ ti Jerusalén mi quej i mulan i chꞌʌmob jini tyaqꞌuin chʌncol bʌ c chꞌʌmbeñob majlel.

32 Cꞌajtibenla Dios jeꞌel chaꞌan mi chʌꞌʌch yom i pusicꞌal, tijicña c pusicꞌal mij cꞌotyel ti julaꞌ yaꞌ baꞌ añetla, yicꞌot chaꞌan mi ñuc isʌntyel c pusicꞌal cheꞌ yaꞌ añon laꞌ wicꞌot.

33 Laꞌ ajnic laꞌ wicꞌot ti laꞌ pejtyelel jini Dios muꞌ bʌ i yʌqꞌueñonla i ñʌchꞌtyʌlel lac pusicꞌal. Amén.