—Tjatza tzalu ex cxel nyecꞌune teya tcyakilju tzul te tibajxi jlu,

chi Jesús weye.

2 Ex jurat naj cub ten tipumal Xewbaj Xjan wibaje,

ex o wile jun kꞌukbil tuj cyaꞌj jatum in cawin Dios,

ex ax Dios kꞌukl tuj kꞌukbil.

3 Ex aju kꞌukltok tuj kꞌukbil lu ic queꞌyin ic tzaꞌn jun tal abj jaspe ex ic tzaꞌn jun tal abj cornalina;

ex at jun t-xmacal lobaj tiꞌjele ju kꞌukbil ic queꞌyin ic tzaꞌn tal abj esmeralda.

4 Ex tiꞌjele ju tkꞌukbil Dios at 24 kꞌukbil,

ex o wile at 24 tij xjal kꞌukl ke cyuj kꞌukbil,

toc cyxbalun sak ex tjax coron kꞌan pwak tuj cywiꞌ.

5 Ex tiꞌj tkꞌukbil Dios in che etztok tkan kꞌancyok tucꞌix kꞌancyok in jululun;

ex in che cꞌant wuk candil twitz ju tkꞌukbil;

atzun ke jlu akeju wuk T-xew Dios.

6 Ex twitz ju kꞌukbil at jun tcub ic queꞌyin ic tzaꞌn mar,

puro ẍtilun,

ic queꞌyin ic tzaꞌn jun vidr sak.

Ex tiꞌjele ju kꞌukbil ateꞌ cyaje querubín nimcu tbakꞌ cywitz at,

ax icx ttzal cyiꞌj at tbakꞌ cywitz.

7 Aju tnejel querubín ic queꞌyin ic tzaꞌn jun balun;

atzunju tcabin ic queꞌyin ic tzaꞌn jun wacẍ,

atzunju toxin ic queꞌyin twitz ic tzaꞌn twitz jun xjal;

ex atzunju tcyajin ic queꞌyin ic tzaꞌn jun tꞌiw in lipan.

8 Akeju cyaje querubín lu teyle junjun at kak t-xicꞌ,

ex nim tbakꞌ cywitz at cyiꞌjele ex tjakꞌ cyxicꞌ;

ex mintiꞌ in che kꞌajen kꞌijl ex konicꞌan in che bitzan,

in cymaꞌn:

9 Ex tcyakil maj oc in jaw cynimsaꞌn ke querubín lu tbi Dios aju kꞌukl tuj tkꞌukbil,

ex in cykꞌoꞌn nimbil te ex in cykꞌoꞌn chjonte te porque itzꞌ tuj tcyakil tabkꞌiyil te jumajx;

10 ax icx ke 24 tij xjal in che cub ẍmejeꞌ twitz Dios aju kꞌukl tuj tkꞌukbil,

ex in che cꞌulun twitz porque itzꞌ tuj tcyakil tabkꞌiyil te jumajx,

ex in cub cykꞌoꞌn cycoron twitz tkꞌukbil,

in cymaꞌn: