2 Wal, wuꞌne ul waꞌline ex xi ntziyane te Dios tuꞌn tajbena te, ¿ti mastl cxel nmaꞌne teya?

3 Miꞌn baj tyajana tipuna cyucꞌil ke xuꞌj, porque tuꞌn cylaj ke xuꞌj in che el tzpet ke rey.

4 Lemuel, mya baꞌn tuꞌn t-xi cycꞌaꞌn ke rey ex ke cawil aju vin ex kꞌeꞌn,

5 porque mya yajcu tzicꞌ tnaꞌl ley cyuꞌn ex mlay txi cybinchaꞌn cyiꞌj ke xjal meba ex ateꞌ tuj bis.

6 Kꞌonxa kꞌeꞌn cye ke xjal chꞌix cycyim ex kꞌonxa vin cye keju in che bisun;

7 e t-xi cycꞌaꞌn tuꞌntzun miꞌn ttzaj cynaꞌn aju cymebyil ex aju cꞌixcꞌoj nnicꞌx cyuꞌn.

8 Yolina tiꞌj ju xjal miban yolin tuꞌntzun tclet; ex colina tiꞌj ju xjal mi aꞌl jun colil tiꞌj.

9 Yolina, binchanxa cyiꞌj tuj tumelxix; binchanxa cyiꞌj ke xjal meba ex keju mintiꞌ chꞌin at cye.

11 Aju tchmil nnoꞌc keꞌxix tcꞌuꞌj tiꞌj, ex mintiꞌ jun tiꞌxti atx taj te.

12 In tbinchaꞌn baꞌn te tchmil tcyakil kꞌij tuj tankꞌibl ex mintiꞌ in tbinchaꞌn mya baꞌn tiꞌj.

13 In xiꞌ jyol lan ex nokꞌ lino, ex tucꞌil tzalajbil nnoꞌc ten chmol tiꞌj.

14 Aju xuꞌj lu najchak in tzaj tiꞌn twa, ic tten ic tzaꞌn ke comersyant in cheꞌx kꞌil cycꞌaꞌẍ tuj barc najchak.

15 Naꞌnxtok tcub kꞌij, in jaw weꞌ ex in oc ten cꞌaꞌchal cye tal ex ke tmajen xuꞌj.

16 Ka ma tzꞌoc tqueꞌyin jun piẍ txꞌotxꞌ, in cyaj tlakꞌoꞌn; ex tuꞌnju tpwak in tcambaꞌn tiꞌj takꞌunben, in cuꞌx tawaꞌn tkan uva.

17 Nnoꞌc mastl tipun, ex tuꞌn tcyakil tcꞌuꞌj in oc ten akꞌnal.

18 Toc tcwent tiꞌj tzaꞌn tten tuꞌn tchꞌiy tcꞌaꞌẍ, ex te konicꞌan yaj in xi tcolin takꞌun.

19 Tuꞌnx in baj tchkoꞌn nokꞌ ex in cuꞌtz tchmoꞌn.

20 In onin cyiꞌj ke meba ex cyiꞌj keju atx taj cye.

21 Mintiꞌ in bisun cyiꞌj keju ateꞌ tuj tja tuꞌn tlaj ttxa cheꞌw, porque cycyakil ke toc cyxbalun pim wen.

22 Tuꞌnx ju xuꞌj in che bant ke ttxoꞌw, ex puro tbanil t-xbalun toc.

23 Aju tchmil ojtzkiꞌnxix cyuꞌn xjal oc tcub keꞌ ttzi tpwertil tnam cyxol ke xjal maꞌ cyoclen.

24 In bant xbalun ex cꞌitzbaj tuꞌn, ex in xi tcꞌayin cye ke comersyant.

25 At tipun ex niman cyuꞌn xjal, ex mintiꞌ in baj tcꞌuꞌj tiꞌj ju tzul tuj kꞌij nchiꞌj.

26 At tnabl tuꞌn tyolin, ex in tkꞌoꞌn xnakꞌtzbil tucꞌil tcꞌujlalil.

27 Toc tcwent tiꞌj tzaꞌn tten tuꞌn cyten baꞌn keju ateꞌ tuj tja, ex in akꞌnan wen tuꞌn twaꞌn.

28 Ke tal in che yolin tiꞌj: Puro baꞌn ktxuꞌye, che chi. Ax icx tchmil in tzalaj tiꞌj ex in xi tmaꞌn te:

29 At nimcu xuꞌj puro baꞌn, pero aya mas baꞌn cywitz cycyakil, chi tchmil te.

30 Mlay keꞌ kcꞌuꞌj tiꞌj ka baꞌn jun xuꞌj nok tuꞌnju tbanil queꞌyin, porque a jlu nok te cab kꞌij in ten; atzunju xuꞌj baꞌn niman te Kman, atzunju baꞌn tuꞌn kyolin baꞌn tiꞌj.

31 Che yoline baꞌn tiꞌj cywitz cycyakil tnam xjal; ex che yoline tiꞌj tcyakil tbinchben baꞌn.