Che bitzane jun bitz acꞌaj te Kman; cynimsaꞌn jawe cyxol ke xjal nimal Dios oc toc cychmon cyib.

2 Che tzalajxe akeye aj Israel najl keye tuj tnam Sión, porque ate Dios binchal cyeye ex cyreye.

3 Cynimsaꞌn jawe tbi in che bixane, cybitzanxe ke bitz te tucꞌil tkꞌajkꞌajel twi chnab arpa ex tampor.

4 Porque in tzalaj Kman tiꞌj ju tnam etzan tuꞌn; in tzaj tkꞌoꞌn cambabl cye xjal mans, ex atzun jlu nimbil cye.

5 Che tzalajxe akeye nimal Dios tuꞌnju ma che cambane, ex che bitzane tucꞌil tzalajbil oc in che ojlane twi cywatbile.

6 Cynimsaꞌn jawe tbi Dios tuꞌn tkꞌajkꞌajel cywiꞌye, ex tucꞌix jun spad te cabe pacꞌ ttziꞌ tuj cykꞌabe,

7 tuꞌntzun t-xelin cyuꞌne cyiꞌj ke nasyon mya ocslal ke tiꞌj Dios, ex tuꞌn tcub cykꞌoꞌne cycastiw ke tnam,

8 tuꞌn tbaj cycꞌaloꞌne tuꞌn caden cꞌuxbil ke rey ex ke xjal maꞌ cyoclen,

9 tuꞌntzun tjapun cyiꞌj aju sentens tzꞌibamaj. A jlu jun nimbil cye cycyakil ke nimal Dios.

Nimanxwit tbi Kman.