Tucꞌil Kman Dios in tzaj tcyakil
Bitz tuꞌn Salomón tuꞌn cybitzan aj Israel oc in che jax tuj Jerusalén
127
Ka mya tuꞌn Kman ma jaw binchet jun ja, nokxlo gan che akꞌnal ke binchal ja; ka mi ma tzꞌoc tcwentin Kman jun tnam, nokxlo gan che xkꞌukil ke cwentil tnam.2 Nokx gan ka ma che jaw weꞌye atx kwitz tuꞌn cyexe akꞌnal ex ka otok txiꞌ akꞌbil oc cyxiꞌye tal, ex in cnet cywaye tucꞌil nim sictleꞌn, porque a Dios kꞌolte aju at tajben cye keju cꞌujlaꞌn tuꞌn acux in che tan.
3 Ke kcꞌwaꞌl jun ketzbil in tzaj tkꞌoꞌn Kman. Ke kcꞌwaꞌl in che ul itzꞌj, jun oyaj jlu te ke tuꞌn Kman.
4 Ke kcꞌwaꞌl in che ul itzꞌj tej matok kꞌiꞌn kipun, ic cyten ic tzaꞌn txkan plech kꞌiꞌn cyuꞌn soldad.
5 At tzalajbil teju xjal at nim tcꞌwaꞌl ic tzaꞌn ke plech lu, mlay cub tiꞌj cyuꞌn ke aj kꞌoj oc tpon xtisil cywitz jwes.