E tzalaj aj Israel tej cyul meltzꞌaj juntl maj tuj cytanmi
Cybitz aj Israel oc in che jax tuj Jerusalén
126
Tej kul meltzꞌaj juntl maj tuꞌn Kman tuj Jerusalén, ic eꞌla jlu te ke mer ic tzaꞌn tuj witzicꞌ.2 O ko jaw tzeꞌn nimxix wen ex o ko jaw schꞌin tuꞌn tzalajbil, atzun ke xjal cyuj mastl nasyon cyma cyjaꞌ: Nimxix xtalbil ma tbincha Dios cyiꞌj, che chi.
3 Ax toc ma tbincha Kman nim xtalbil kiꞌj ex in ko tzalaj tiꞌj.
4 Kman, kꞌontza juntl maj t-xtalbila kibaje ic tzaꞌn in chꞌexpet tzkij txꞌotxꞌ oc in tzaj jbal.
5 Akeju nneꞌtz taꞌl cywitz oc in cuꞌx cyawal in che schꞌin tuꞌn tzalajbil oc tjaw cychmoꞌn twitz cyawal.
6 Masque in che okꞌ oc t-xi cyiꞌn cyiyaj tuꞌn tcuꞌx cyawaꞌn, pero oc cyajtz meltzꞌaj in che bitzan tucꞌil tzalajbil, kꞌiꞌn elaꞌ cheꞌl triw cyuꞌn.