Naꞌj Dios tuꞌn tlaj xobajil
Cybitz aj Israel oc in che jax tuj Jerusalén
120
Tej nyajlanjtze in cubsane twitz Kman ex in tzaj tzakꞌweꞌne tuꞌn.2 Nman, chin tcloma cywitz ke nicꞌal yol ex cywitz keju baꞌn che sbun.
3 ¿Alcye tzul tkꞌoꞌn Dios teya, aya nicꞌal yol?
4 Oꞌcx tuꞌn tex plech tzꞌuꞌp twiꞌ tuj tcꞌuꞌja, ex tuꞌn ttzꞌeꞌya tuꞌn xkꞌaꞌl in cꞌant tuꞌn kꞌakꞌ.
5 Becꞌbil nwitze, ma chin ankꞌine ic tzaꞌn jun stranjer xjal tuj txꞌotxꞌ Mesec, ex ma chin tene cyxol ke ja xbalun tuj txꞌotxꞌ Cedar.
6 Nim tyemp ma chin ankꞌine cyxol keju cycꞌiꞌ tuꞌn cyten tuj tzalajbil cyxol mastl;
7 oc in chin yoline tiꞌj tuꞌn cyten xjal tuj tzalajbil, atzun cye oꞌcx cyaj tuꞌn cykꞌojin.