2 waje tuꞌn wankꞌine tuj tumelxix. ¿Jtoj tzula onil weye? Cꞌoquel tilil wuꞌne tuꞌn ntene mintiꞌ npaltile tuj njaye;

3 mlay pon ncꞌuꞌje tiꞌj ju mya baꞌn.

Nneꞌl wicꞌune cybinchben ke xjal ma tzꞌel cypaꞌn cyib tiꞌj Dios; mlayx txi nkꞌoꞌne ambil cye tuꞌn cyoc lakꞌeꞌ wiꞌje.

4 Ke ximbetz jumajx mya baꞌn che elel nlakꞌbaꞌne wiꞌje: miꞌn waje tuꞌn nbinchanteye jun mya baꞌn.

5 Wuꞌne cwebel cyyolin keju tuj ewaj in che yolin mya baꞌn cyiꞌj cyvesin; mlay tzicꞌx wuꞌne keju in jaw cyniman cyib ex jawni cywitz.

6 Cꞌoquel nkꞌoꞌne nwitze cyiꞌj ke xjal tzꞌaklxix tuꞌntzun cyten wucꞌile; oꞌcx che ajbel weye keju in che ankꞌin tuj tumelxix.

7 Atzun ke xjal sbul mlay txi nkꞌoꞌne ambil cye tuꞌn cyten tuj njaye; mi jun xjal nicꞌal yol jacu cub ten nwitze.

8 Teyle junjun kꞌij che najel wuꞌne cycyakil xjal mya baꞌn; che elex nlajoꞌne tuj tnam etzan tuꞌn Kman cycyakil xjal binchal mya baꞌn.