2 Porque tuꞌn Kman cub tkꞌoꞌn t-simyentil txꞌotxꞌ ex cub tkꞌoꞌn mar ex ke nima.

3 ¿Alcye jacu jax twi witz etzan tuꞌn Kman? ¿Alcye jacu ten tuj tja xjan?

4 Oꞌcx aju xjal mintiꞌ tpaltil ex sak tuj tanmi, mintiꞌ in cꞌulun cywitz ke tilbilal ex in japun tuꞌn tcyakil yol in xi ttziyan.

5 Ate Kman cbel cyꞌiwlante xjal lu ex cꞌoquel tkꞌoꞌn te tzꞌaklxix, porque axte Dios clol te.

6 Atzun in bant cyuꞌn ke xjal in che niman te Kman ex cyajbil tuꞌn cyten ttxlaj Tdios Jacob.

7 Akeye tpwertil tnam ojtxi banin, cyjakom cyibe. Cyjakom cyibe wen tuꞌn tocx ju Rey nim tajwalil.

8 ¿Alcyetzun ju Rey lu nim tajwalil? Ate Kman aju nim tipumal ex cyuw tcꞌuꞌj. Ate Kman aju in cub tiꞌj tcyakil tuꞌn tuj kꞌoj.

9 Akeye tpwertil tnam ojtxi banin, cyjakom cyibe. Cyjakom cyibe wen tuꞌn tocx ju Rey nim tajwalil.

10 ¿Alcyetzun ju Rey lu nim tajwalil? Ate Kman aju Tajaw Tcyakil. Ate Kman aju Rey nim tajwalil.