Naꞌj Dios tuꞌn tkaninjtz onbil te Dios
Bitz tuꞌn David
12
Ko tcloma Nman porque mintiꞌtl in che niman xjal teya; mintiꞌtl in che bet xjal tuj tumelxix.2 In che nicꞌan yol cyxolx jun tucꞌil juntl; xmletzꞌ che yolin ex in che yolin tuꞌn cab cycꞌuꞌj.
3 Che najxwit tuꞌn Kman cycyakil xjal xmletzꞌ ke, ex cyucꞌix keju in cymaꞌn nimcu yol te cynimbil cyib,
4 in cymaꞌn cyjaꞌ: Jacu ko camban nok tuꞌn ktziꞌ; ex axte ktziꞌ jacu colin kiꞌj. ¿Alcye jun jacu cub kꞌonte jun ley kibaj? Che chi.
5 Ex atzun yol lu ma tma Kman: Akine chin jawil weꞌ ex che cletel wuꞌne ke xjal in che baj yajlaꞌn ex ke xjal meba. Che cletel wuꞌne ic tzaꞌn cye cyajbil.
6 Ke yol in tzaj ttziyan Kman tbanilxix ke; ic cyten ic tzaꞌn sak pwak tbanilxix ex ktzꞌuminxix twitz tetzlenxi wuk maj tuj jorni.
7 Tuꞌna Nman ko oquel tcwentina; cucx ko cletele tuꞌna cywitz ke xjal mya baꞌn ke.
8 Ke xjal mya baꞌn in che bet tuj tcyakil lugar, ex cycyakil xjal in jaw cynimsaꞌn aju mya baꞌn.