Cub tkꞌoꞌn rey Asuero jun chojenj tuj tcyakil txꞌotxꞌ at tjakꞌ tcawbil, ax icx cyuj ke txꞌotxꞌ ateꞌcx tmij mar. 2 Tcyakil aju tbincha tucꞌil toclen ex tipumal, ax icx tiꞌj toclen Mardoqueo maꞌxix xi tkꞌoꞌn, atzun tzꞌiban tuj libro jatum in cuꞌx tzꞌibet cycyakil keju in che baj tuj cycawbil ke rey cye aj Media ex aj Persia. 3 Ate Mardoqueo aju xjal Judiy, toc toclen te tnejel nejenel ttxlaj rey Asuero, ax icx oc te maꞌxix toclen cyxol ke xjal Judiy, ex o cꞌujlanjtz cyuꞌn cycyakil ke t-xjalil, porque oc tilil tuꞌn tuꞌn tbinchante baꞌn cyiꞌj ke ttanamil, ax icx oc tilil tuꞌn tuꞌn cyten ke t-xjalil tuj txubtxaj.