“Daijë̱'ë.

I̱ñosi'i,

më'ëre,

co'a nomiohua'i pëca ja'core pare iye yeja oco da'ca ë̱mëje'na ja'rusicopi ñu'icore si'se ja̱'ñere.

2 Iye yeja pa̱i ëjaohua'i ja̱oni yo'ojë paë'ë.

Cui'ne iye yeja pa'icohua'ipi i̱o co'aye yo'oyena u̱cu cuepe huesëhuë.”

3 Ja̱ jeteyo'je Maija'quë joyopi yë'ëre ca̱ni ñañeje pa'ye i̱ñoquëna,

ñaquëna,

hui̱ñaëpi yë'ëre cue̱ne yejana sapi.

Saëna,

ja̱rona ñahuë,

nomiopi huajëya'ye pa'ini maja'iquëni ja'rusicopi ñu'iona.

I̱na Maija'quëre cue'cuejë caye toyasi mami quë'i paji'i.

Ja̱je pa'ipi siete si̱opë̱a,

cui'ne diez ca̱johuëa hue'equë paji'i.

4 Ja̱o nomio cato ai maja'icopi nea maja'i toya quë'ioni su̱ñasicopi paco'ë.

Oropi ëja de'osico paco'ë,

ai de'o quë̱napi,

cui'ne perlaspi.

I̱o jë̱tëpi oro duruhuë̱are ca̱jio,

coe ëaye pa'ye si'si ti̱mësiconi,

cui'ne i̱o ë̱mëohua'i yo'oye ti̱mësiconi.

5 I̱o tsia ti̱ñare pare i̱o ayere quëa mamipi toyase'ere hue'eo,

ñeje cayere:

CUI'NE SI'AYE IYE YEJA CO'AYE PA'IYE PËCA JA'COREPA.

6 Ja̱ jeteyo'je de'oyerepa ña ti̱'aquëna,

ja̱o cato cuepeco paco'ë,

Maija'quë tse̱cohua'i tsiena,

cui'ne Jesure quëacohua'ire huaisicohua'i tsiena.

Ja̱re ñani yë'ë ai cuasahuë.

7 Ja̱je ai cuasaquëna,

hui̱ñaëpi capi,

yë'ëre:

“¿Me yo'oquë ai cuasaquë'ni?

Quëasi'i,

më'ëre nomio i̱ñoñe ayere pare,

pa̱ije asa ma'ñere.

Cui'ne huajëya'ye pa'i i̱ore saquë siete si̱opë̱a cui'ne diez ca̱johuëa hue'equë i̱ñoñere pare quëasi'i.

8 Më'ë huajëya'ye pa'ire ñasiquë cato tsoe ja̱'në pa'isiquë api.

Ja̱je pa'ipi yure nejosiquë api.

Ja̱je pa'iquëta'are cui'naëpi mëija'quë api,

to̱me huesë hue̱'ñapi,

ja̱ yë'ta'a i̱te nejo huesoye ti̱'ama'ëna.

Ja̱ maca yeja pa'icohua'i yeja de'hua maca i̱ohua'i mami pa'i toya pëpëna toya cua̱ñoma'cohua'i cato ai cuasajë huajëya'ye pa'ire ñaja'cohua'i a'ë,

ja̱'në pa'isiquëpi nejosiquëpi,

cui'naëpi pani co̱quëna.

9 Iye macare pa'iji,

ta̱'ñe asacohua'ipi de'hue asa ti̱'añe.

Siete si̱opë̱a cato quëaji,

siete ai cu̱tire,

nomio ñu'iñere.

Ja̱re cui'ne quëaji,

yequeje̱ siete ëjaohua'i pa'iyere.

10 Ja̱ohua'i acohua'ipi cinco pa̱i ëjaohua'i cua̱ñema'cohua'i de'ohuë.

De'orena,

te'i ja̱ohua'i aquëpi yure cua̱ñequë pa'iji.

Yequëse'e ja̱ yë'ta'a daiye pa̱ji.

Ja̱ë tëjirepa daisi maca ai tsoe tëcahuë se pani co̱ñe peosipi.

11 Ja̱ë huajëya'ye pa'i tsoe ja̱'në pa'isiquëpi yure nejosiquë cato ocho aquë api,

pa̱i ëjaë de'osiquë.

Ja̱re i̱pi siete acohua'i aquë pa'isiquëpi,

i̱ nejo cua̱ño ja̱'ñena sai saji,

ja̱ë cato.

12 Më'ë diez ca̱johuëa ñase'e cato quëaji,

diez pa̱i ëjaohua'ini ja̱ yë'ta'a cua̱ñe huëoma'cohua'ini.

Ja̱je pa'iquëta'are ja̱ohua'i cato coa te'e nëhui tëcahuë maca huajëya'ye pa'i ja̱'re cua̱ñe ja̱'ñere i̱si cua̱ñoja'cohua'i a'ë.

13 Icohua'i pa̱i ëjaohua'i cato te'e ja̱je yo'oñu'u cuasayere pajë huajëya'ye pa'ina,

i̱ohua'i tuture cua̱ñe ëjaohua'i pa'iyere i̱na i̱sija̱'cohua'i a'ë.

14 Ja̱ohua'ipi Yëi ñamare sa̱ñope uihuaja̱'cohua'i a'ë.

Ja̱je uihuajëta'are Yëi ñamapi quëcoja̱'quë api,

i̱ohua'ire,

ma'tëmo Ëjaë sëte,

cui'ne pa̱i ëjaohua'i mëñe Ëjaë sëte.

I̱pi Maija'quë soisicohua'ire,

i̱ sahuasicohua'ire,

cui'ne nuñerepa i̱se'ere tuicohua'ire paquë uihuaja̱'quë api.”

15 Hui̱ñaëpi yequeje̱ capi,

yë'ëre:

“Më'ë ñaquëna,

co'a nomiopi ñu'isico cato pa̱i pa'iye a'ë,

si'a pa̱i tsëcapë̱a'ë,

ti̱ñe coca cacohua'i a'ë,

cui'ne si'a yejaña pa'icohua'i a'ë.

16 Më'ë diez ca̱johuëa cui'ne huajëya'ye pa'ini pa'ina,

ñase'epi co'a nomiore coeja̱'cohua'i a'ë.

Ja̱je coejë je̱ocorena,

peoyo pa'ija̱'coa.

Pa'iona,

i̱o ca̱re a̱ija'cohua'i a'ë,

cui'ne toapi i̱ote ëoja̱'cohua'i a'ë.

17 Ja̱je yo'oja̱'cohua'i a'ë,

Maija'quëpi i̱ohua'i joñoana i̱ yëyeje̱ pa'yere yo'oja̱jë caquë neina.

Ja̱ohua'ipi huajëya'ye pa'ina,

i̱ohua'i pa̱i ëjaohua'i cua̱ñecohua'i pa'iyere i̱siñu'u cuasaja̱'cohua'i a'ë,

te'e,

Maija'quë case'e yo'o ti̱'a macaja̱'a.

18 Më'ë ñasi nomio cato ja̱ jai daripëre pa'ë.

Iye yeja pa̱i ëjaohua'ire meñe cua̱ñe daripëre pa'ë.”