“Dani ñajë'ë.”

2 Caquëna,

ñaquëna,

po caballopi paji'i.

Pa'ina,

i̱te tuiquëpi te'e sa'co saihuë papi.

Paquëna,

marote i̱te i̱sipi.

I̱sina,

si'aohua'ire quëcoquërepa etapi,

si'aohua'ire quëcoquë pa'ija̱'quëpi.

3 Yëi ñamapi cayaye acore i̱ni ne hui'yo maca cayaye aquë pa'iquëpi capi:

“Dani ñajë'ë.”

4 Caquëna,

yequë caballopi etapi.

Ja̱ë cato maja'iquë paji'i.

I̱te tuiquëpi iye yeja de'oye pa'iye sioja̱'a tuture i̱si cua̱ñosiquë paji'i.

Ja̱je pa'ipi pa̱i de'oye pa'iyere siouna,

sa̱'ñe huani ju̱'ija'cohua'i a'ë caquë jai hua'tiyore i̱si cua̱ñosiquë paji'i.

5 Yëi ñamapi toaso̱ñe acore ne hui'yo maca asahuë,

toaso̱ñe aquë pa'iquëpi ñeje caquëna:

“Dani ñajë'ë.”

Caquëna,

ñahuë,

nea caballoni.

Ñaquëna,

i̱te tuiquëpi i̱ jë̱tëre cue̱cuecore papi.

6 Cui'ne asahuë,

pa'icohua'i jopore papi yë'ose'e ñeje caquëna:

“Te'e kilo trigo i̱siye pa'iji,

te'e mu'se nesi do'i.

Tres kilo cebada i̱siye pa'iji,

te'e mu'se yo'osi do'i.

Ja̱je pa'iquëta'are hui'yape,

cui'ne o'sata'a nejoma'pë pa'ijë̱'ë.”

7 Yëi ñamapi cuatro acore hui'yo maca asahuë,

cuatro aquë pa'iquëpi ñeje caquëna:

“Dani ñajë'ë.”

8 Caquëna,

ñaquë ñahuë,

së̱'ñoja'i caballoni.

I̱te tuiquë cato ju̱ni huesëye i̱ mami hue'equë paji'i.

Pa'ina,

i̱ jeteyo'jeja̱'a daji'i,

ju̱'isicohua'i pa'i hue̱'ña ayere quëaquëpi.

Ja̱ë ju̱ni huesëye hue'equëna,

i̱sise'e paji'i,

yeja cuatro pa'ye huahuese'e ayere,

te'ore cua̱ñeja'a tuture,

huajo sa̱'ñe huaiyepi,

a̱o ëa ju̱'iñepi,

ju̱'i dahuë neñepi,

cui'ne airo acohua'i a̱i yëcohua'i pa'icohua'ire,

pa̱ire a̱icohua'i pa'i ja̱'ñe neñe cua̱ñeja'quëre.

9 Yëi ñamapi cinco acore hui'yo maca ñahuë,

Maija'quëre i̱sijë tëo toto huë'ehuëre Maija'quë coca quëa do'ire huahuosicohua'i joñoa pa'ijëna.

10 Pa'ijë ja̱ohua'ipi cahuë,

ai tutu:

“Ëjaërepa de'oquë,

më'ë ca nëose'eje̱ pa'ye yo'o ti̱'aquërepa,

¿je yëhua më'ë yeja pa'icohua'i yëquëre huaisi do'i sa̱i to̱ja'quë a'ni,

i̱ohua'i yo'ose'eje̱ pa'ye ñaquë?”

11 Cajëna,

ja̱ohua'ire poja'i ju'i ca̱ñare su̱ñacani capi,

pëa huajëjë pa'ijë̱'ë,

a'rima tsoe maca,

mësaru acohua'ita'a,

Cristore necai do'ire ju̱'ise'eje̱ pa'ye,

mësaru ja'i pa̱i huahuo ti̱'ajajë.

12 Yëi ñamapi seis acore ne hui'yosi maca ñahuë.

Ñaquëna,

ai tutu yejapi ñu'cueo,

cui'ne ë̱sëje̱ neaquë de'opi,

ju̱tena,

oijë su̱ñacoje̱ pa'i neaquërepa.

Cui'ne ñañëpi maja'iquërepa tsieje̱ pa'i de'opi.

13 Cui'ne ma'ñocohua'ije̱ ma'tëmopi yejana to̱mehuë,

so̱quë hui̱ña ca̱ ai tutuquëna,

to̱meñeje pa'ye.

14 Ja̱ maca cui'ne ma'tëmoje toya ja'hua maca tu̱na huesoyeje̱ pa'ye peo hue̱'ña ne huesëo.

Ne huesëcona,

si'aye ai cu̱ti,

cui'ne saodohuë̱a ti̱rose'ena sani huesëpi.

15 Ja̱ maca iye yeja ëjaohua'ipi co̱ñana cacajë catihuë,

ai cu̱ti quë̱na co̱ñana.

I̱ohua'i ja̱'re co̱ni,

jai ëjaohua'i,

soldado pa̱i ëjaohua'i,

co'amaña pa ëjaohua'i,

cua̱ñe tutu pa ëjaohua'i,

cui'ne si'aohua'i pa̱ire necai jo'yaohua'i,

cui'ne jo'yaohua'i peocohua'ije̱ catihuë.

16 Catijë cahuë,

ai cu̱tire,

cui'ne quë̱na pë̱are:

“Yëquëre to̱meco yahuejë̱'ë,

ñu'i saihuë ñu'iquëre pare cui'ne yëi ñama pë̱i yo'oye ñama'pë pa'ija̱'cohua'ire.”

17 Ja̱je cahuë,

i̱ohua'ire si'se mu'sere papi ti̱'aëna,

¿nepi quëcoye pa'iquë'ni?