Yëi Ñama Cui'ne Toya Pëpë
5
Ja̱ maca ñahuë,
ñu'i saihuë ñu'iquëpi i̱ ëja te̱'tere toya pëpë tu̱nasiconi tse̱'equë ñu'ina,
sa̱'nahuë cui'ne hue'se toyasiconi.
Ja̱je pa'ioni siete pa'ye ëjaërepa tse̱ a'ë quëayere je̱'na sëose'ere si̱osico paji'i.
2 Pa'ina,
cui'ne ñahuë,
te'e hui̱ñaëre tutu quë'ipi tutu ñeje caquëna:
“¿Nepi toya pëpë si̱osicore i̱ni hui'yo ti̱'aja'cohua'i a'ni?”
3 Ja̱je pa'iquëta'are ma'tëmo yeja cui'ne yeja huë'ehuë pa̱ije ti peohuë,
te'ije̱ toya pëpë hui'yo ti̱'ani ñaquëje̱.
4 Ja̱ maca yë'ëpi ai oë'ë,
toya pëpë hui'yoni ña ti̱'aquëje̱ peo do'ire ña jujani.
5 Ja̱je oina,
aiohua'i aquëpi capi,
yë'ëre:
“Oima'ë pa'ijë̱'ë,
ai jerepa tsoe Judá pa̱i aquëpi pa̱i ëjaë David tsëcapë aquëpi jai yai hue'yosiquëpi,
ja̱ëpi quëcopi,
si'aye.
Ja̱ëpi toya pëpë cui'ne i̱ote siete pa'ye hue'ese'ere ne tëte saoja̱'quë api.”
6 Ja̱ maca ñu'ico ti̱ña macarepa cuatro pa'iohua'i pa'icohua'ipi jopore pare,
cui'ne aiohua'i jopore pare yëi ñama nëina,
ñahuë.
Coa nëji'i.
I̱ cato huani je̱ose'eje̱ pa'ipi.
Ja̱je pa'ipi siete eyohuë̱a cui'ne siete ñaco ca̱ hue'equë paji'i.
Ja̱ siete ñaco ca̱ cato Maija'quë joñoa si'a yejaña jëjo saose'e pa'iyepi ña cua̱ñopi.
7 Ja̱ë yëi ñamapi sani toya pëpë i̱ji'i,
ñu'i saihuë ñu'iquërepa ëja te̱'te pa'iconi.
8 Toya pëpë i̱ maca cuatro pa'iohua'ipi,
cui'ne veinticuatro aiohua'ipi do're ja'ruhuë,
yëi ñama ti̱ñare pana.
Pa̱i ñape aiohua'i pahuë,
te'e ta̱'të pe̱pë cui'ne te'e u̱cu duruhuë,
curi nesiquë.
Ja̱na huëo së̱ ma'ñaje pa'ye ti̱mëse'ere pahuë.
Ja̱ cato Maija'quë acohua'i Maija'quëre se̱ñe paji'i.
9 Ja̱ohua'ipi huajë jë̱jëñere jë̱jëhuë,
ñeje:
Më'ëse'e te'i pa'iyë,
toya pëpë i̱ni i̱ote si̱o saose'e pa'iye ne hui'yo saoja̱'quë,
Huahuosiquëpi më'ë tsie do'ipi si'a yequë pa̱ire,
Ti̱ coca cacohua'ire,
cui'ne si'a yejaña pa'icohua'ire huerocaë'ë,
Maija'quëna i̱sisi'i caquë.
10 Më'ëpi ja̱ohua'ire ëjaohua'ire nehuë,
yëquë ja'quëre necaicohua'ire.
Neina,
iye yeja cua̱ñecohua'i pa'ija̱'cohua'i a'ë.
11 Ja̱ jeteyo'je ñahuë.
Ñaquë asahuë,
jai pa̱i hui̱ñaohua'i caye pi̱siyere.
Cua̱ñequë ñu'ico yërëhue pa'icohua'i cayere,
cui'ne cuatro pa'iohua'i cayere,
cui'ne veinticuatro aiohua'i caye pi̱siyere asahuë.
Jai merepa jai pa̱i paë'ë,
tsi'sisicohua'i.
12 Ja̱ohua'ipi ai tutu ñeje cahuë:
Yëi ñama te'i pa'iji,
huahuosiquëpi.
Ja̱ë cato ai de'oquëre papi,
ja̱ do'ire si'aye i̱siye pa'iji,
i̱te.
Ne ti̱'a tuture,
si'aye payete,
ta̱'ñe asayepi neñere,
si'a tuture,
Ëjaë api,
cuasajë de'oyerepa sehuoyere,
i̱ de'oyerepa nese'ere ñani sihuajë cayere,
cui'ne i̱te oijë de'oji cayere.
13 Asahuë,
cui'ne si'aye Maija'quë de'huasi co'amañapi ma'tëmopi,
yejapi,
cui'ne yeja huë'ehuë te̱'tepi cui'ne jai tsiayapi,
ñeje cahuë:
Ñu'i saihuë ñu'iquërepa,
cui'ne yëi ñama,
si'aye paja̱jë cajë,
de'ocohua'ire pa'ni cuasajë caye,
Ëjaë api,
cuasajë de'oyerepa sehuojë yo'oye,
i̱ de'oyerepa yo'oyere ñani sihuajë caye,
cui'ne si'aohua'i Ëjaërepa de'oye,
Je'nëna ja̱je pa'ija̱quë.
14 Cajëna,
cuatro pa'iohua'ipi sehuojë cahuë:
“Ja̱je pa'ija̱quë.”
Cajëna,
veinticuatro aiohua'ipi do're ja'runi i̱te Ëjaëre pa'ni cajë pëpajë yo'ohuë.