3 De'oquëre pa'ni cañu'u,

Maija'quëre mai Ëjaë Jesucristo pëca ja'quëre,

maire ai oi do'ire ti̱jupë co̱asicohua'ire nesiquëre Jesucristo ju̱ni huëisi do'ipi.

Ja̱je pa'ina,

iye yo'osi do'ipi de'oyere pare utejë pa'iyere payë,

mai.

4 Ja̱je pa'ina,

Maija'quë mësarute caquë ma'tëmo de'huacaisi co'amañare ti ne huesë ma'ñere,

si'si ne ma'ñere,

cui'ne ti me'me to̱me ma'ñere paja̱'cohua'i a'ë,

mësaru Maija'quë cuasa do'ipi.

5 Ja̱je pa'ina,

mësarute Maija'quëpi i̱ tutupi ñacai pa'iji,

mësarupi huasosicohua'i pa'iyere,

i̱ ne de'huacaise'ere ti̱'ajajë caquë.

Ja̱re tëji mu'señarepa paja̱'cohua'i a'ë.

6 Ja̱ do'ire mësaru ai sihuajë pa'iyë,

coa nëhui tëcahuë jaiye neñañe ai yo'oye pa'itoje̱.

7 Ja̱je pa'ina,

mësaru Maija'quë pa'iji cuasayere ai yo'oyepi neñaquëna,

do'i quë'ye etase'epi,

toapi neñasi oro do'iye jerepa se̱ña maca do'i quë'ye etasipi.

Oro cato coa caraja̱iñe a'ë.

Neñañe pa'ina,

i̱tire pase'e etase'epi Jesucristore i̱ñosi maca Jesucristore sihuajë de'oquëre pa'ni cayere cui'ne ëjaëre pa'ni cayere i̱ñoñe pasipi.

8 Jesucristore ñama'pë pa'isicohua'ita'a i̱te ai oiyë,

mësaru.

I̱te ñama'pë pa'isicohua'ita'a pa'ire paji cuasajë ai de'oyerepa sihuayë,

yë'opi ca ti̱'añe peoyerepa.

9 Sihuajë joñoa huaso cua̱ñoñere ti̱'asi'i cajë ti̱'ahuë,

mësaru pa'ire paji cuasa do'ipi.

10 Maija'quëre quëacaicohua'ipi ai tsoe hue̱'ña mësarute Maija'quë oi coa i̱si ja̱'ñere huaso cocare toyacaijëta'a huesëhuë.

Ja̱je pa'ina,

i̱quere caquë'ni cuasajë ai co'ehuë,

asa ti̱'añu'u cajë.

11 Cristo joyopi Maija'quëre quëacaicohua'ire du'ru quëapi,

Cristo ai yo'o ja̱'ñere cui'ne jeteyo'je i̱ ayere ma'tëmo ayere de'oyerepa pa'i ja̱'ñere quëapi.

Ja̱je quëaquëna,

asajë ¿jequë pa'ija̱'quë a'ni,

i̱?

cui'ne ¿je yëhua ja̱je pa'ija̱'coa'ni?

cajë ai co'ehuë,

asañu'u cajë.

12 Ja̱je co'ejëna,

Maija'quëpi i̱ohua'ire quëapi,

iye mësaru quëaye mësaru tse̱ peoji caquë.

Yecohua'i tse̱ a'ë caquë quëapi.

Ja̱ cato maini capi.

Yure ja̱je pa'ina,

iyere Maija'quë huaso cocare mësarute quëacohua'i quëahuë,

ma'tëmo jëjo daosi joyo tutupi yo'oquëna.

Iye huaso coca cato hui̱ñaohua'ique ai cuasajë i̱tise'e ña ëa ju̱'iñë.

13 Ja̱je pa'iye sëte mësaru cuasayere ne de'huajë̱'ë,

cuepese'eje̱ pa'iohua'i pa'ima'pë.

Ja̱je pa'ijëna,

mësaruna Jesús ayere i̱ño maca,

Maija'quë oi co̱caiyepi pa'iji,

mësarute.

Ja̱re cuasajë pa'ijë̱'ë.

14 Ja̱je pa'ina,

Maija'quë caye de'oye sehuocai mamajë sëte,

Maija'quëre asama'në yëjë pa'ise'ere pa'ima'pë pa'ijë̱'ë.

15 Maija'quë mësarute soisiquë ai de'oquë api.

Ja̱je pa'ina,

mësaruje̱ de'ocohua'irepa pa'ijë̱'ë,

i̱je pa'iohua'i.

16 Ja̱je pa'ina,

toyase'e caji:

“De'ocohua'irepa pa'ijë̱'ë,

yë'ëje̱ pa'iohua'irepa.”

17 Mësarupi Maija'quëre “Ja'quë” cajë se̱cohua'i pani si'anë i̱ni ca'rajë pa'ijë̱'ë,

iye yeja mësaru pa'i mu'seña pa̱i ñape yo'ose'eje̱ pa'ye sa̱iquëni,

cui'ne si'a yë'quë maca si'aohua'ire yo'oquëni.

18 Mësarute Maija'quëpi huasopi,

mësaru aiohua'i pa'ise'eje̱ pa'ye mësaruje̱ do'i peoyere yo'ojë pa'isicohua'ini.

Mësarute huasoni sa̱icaima'ë paji'i,

oropi pa̱nita'a curipi,

ne huesëyere.

Iye huaso do'i cato sa̱ipi,

ti ne huesë ma'ñere papi.

Ja̱re mësarupi tsoe asacohua'i a'ë.

19 Cristo tsie do'ipi sa̱icaji'i,

mësarute yëi ñama a'si peoquëpi,

si'si te̱'ñaje peoquëje̱ pa'ire papi.

20 Cristo cato ja̱ yë'ta'a yeja de'huama'në ja̱je ju̱cacaija̱'quëre ca nëosiquë pa'iji.

Ja̱je pa'ipi yure tëji mu'seña mësaru de'oye pa'iyere caquë daji'i.

21 Ja̱je pa'ina,

mësaru Cristo do'ija̱'a Maija'quëre i̱re papi cuasajë sehuoyë,

ju̱'isiquëni huajëquëre huëoni de'oquëre pare i̱ñosiquëre.

Ja̱je pa'ina,

yure mësaru Maija'quë pa'ire paji cuasajë i̱na quëco pajë pa'iyë,

co̱caija̱'quë api cuasajë.

22 Nuñerepa cocare mësaru sehuocai do'ire mësaru joñoa tsoa to̱huë,

Maija'quë do'ijëre nuñerepa oñu'u cajë.

Ja̱je pa'iye sëte si'a tuturepa pa̱i ñape yecohua'ire oiye pa'iji,

de'o joyore papi.

23 Ja̱je pa'ina,

mësaru cato yure pa̱i ju̱'icohua'i mamajë peoyë.

Mësaru cato yure Maija'quë coca ti pani huesëyere papi jojosicohua'i a'ë.

24 Ja̱je pa'ina,

toyase'e caji: