4 Te'erepa miañe ñani cui'ne Maija'quë de'o së̱ñe i̱siye asasicohua'ipi cui'ne Diusu joyo yo'oye asasicohua'ipi,

5 cui'ne Maija'quë coca de'oyerepa asasicohua'ipi,

cui'ne yequë mu'seña pa'ija̱'a tutu asasicohua'ipi,

6 cui'naohua'ipi co'ye co'isicohua'i pani ti̱jupë Maija'quëna po̱në co̱ñe peoji,

tsoe i̱ohua'ipi Maija'quë mamaquëni ti̱jupë que̱jë yo'o do'ire.

Me po̱nëñe'ni,

si'aohua'i ña hue̱'ñana i̱te cue'cuejë yo'oni.

7 Ja̱je yo'ocohua'i cato yejaje̱ pa'iohua'i a'ë.

Ocoquëna,

si'anë sa̱quëyeje̱ pa'iohua'i a'ë.

Ja̱je pa'ina,

ja̱ yejapi i̱ti yeja necohua'ini de'oye mëani quë̱cacaico pa'ito,

Maija'quëpi i̱ote de'oye ñacaija̱'quë api.

8 Ja̱je pa'iquëta'are yejapi de'oye quë̱cacaima'o co'ayere cui'ne miure quë̱ico pani co'aye ca cua̱ñojacoa.

Ja̱je pa'ina,

toapi si'aye ëo huesoye pa'iji,

i̱o mëase'e.

9 Ja̱je mësarute Maija'quë do'ijë mañare cajëta'a cuasayë mësaru cato i̱tire pare pa'iyë.

Ja̱je cani cayë,

nuñerepa huasosicohua'i pa'i ma'are pa'iyë cajë.

10 Ja̱je pa'ina,

Maija'quë nuñerepa pa'ipi,

mësaru sehuosicohua'ire oijë co̱caijë i̱ñose'e,

cui'ne mësaru ja̱ yë'ta'a yo'ojë pa'iye hua̱nëyema'ë pasipi.

11 Ja̱je pa'ina,

yëquë cato yëyë,

mësarupi si'anë pa̱i ñape ja̱re ja̱jese'e tëji hue̱'ñare pana de'oye yo'ocohua'i pa'iyere.

Ja̱je yo'ojë mësaru uteyere ti̱ñarepa i̱ñoja'cohua'i a'ë.

12 Coeyë,

mësarupi jo̱saohua'i po̱nëñë.

Yëquë cato yëyë,

mësarupi Maija'quë pa'iji cuasajë yo'o jujama'pë o̱cue pa'i macarepa tuicohua'ina ñajë i̱ohua'i tuiyeje̱ tuiyere.

Maija'quë ca nëose'e paja̱'cohua'i yo'oyere yo'ojë̱'ë.

13 Abrahamre Maija'quë ca nëo maca i̱ja'a co'ye ca nëo huesëpi,

yecohua'i i̱ jerepa pa'iohua'i peoye sëte.

Ja̱je pa'ina,

capi:

14 “Yë'ëpi më'ëre de'oye ñacaija̱'quë a'ë cui'ne jai pa̱i pa'ija̱'cohua'i a'ë,

më'ë tsëcapë acohua'i yë'ëpi necaina.”

15 Ja̱je caëna,

Abraham quëcopi,

je̱oma'ë,

utequë i̱si cua̱ñopi,

i̱te ca nëose'ere.

16 Pa̱ipi ca nëocohua'i pani i̱ohua'i se̱ña maca ëjaëna ca nëocohua'i a'ë,

i̱ohua'i ca nëose'epi care pase'e pa'ija̱quë cajë cui'ne ja̱ maca sa̱ñope caye caraja̱iñe pa'iji.

17 Ja̱je pa'ina,

Maija'quëje̱ i̱ ca nëose'e paja̱'cohua'ina,

i̱ case'ere ti̱ñe po̱nañe peoyerepa ti̱ñarepa i̱ñosi'i cuasani ti ca nëo huesopi,

i̱sire paja̱'quë a'ë caquë.

18 Ja̱je pa'ina,

cayaye pa'iji,

i̱ ca nëose'ere ti yeque po̱nañe peoyerepa,

cui'ne Maija'quëje̱ cosoye peoyerepa.

Ja̱pi maire sihuajë o̱cue pa'i macarepa pa'iye i̱siji,

i̱pi ñacaina,

pa'iye co'ejë i̱ ca nëose'e utejë pa'isicohua'ire.

19 Ja̱ uteyepi maire o̱cue pa'i macarepa cuasajë pa'iye necaiji,

jai yohuë dëquëcopi sëani je̱o dëorena,

te'e macare huahuayeje̱ pa'ye.

Ja̱je cui'ne mai joyoje̱ Maija'quë huë'e sa̱'nahuë ta̱'tëpo jere pana ja̱ uteyepi se sëasicopi pa'ico Jesús maire ma'a necai caca sitona.

20 Ja̱je Jesús cacani ti Maija'quë huë'e ñacai Ëjaërepa de'opi je'nëna i̱ote pa'ija̱'quëpi,

Melquisedecje̱ pa'ipi.