2 Mësarute Maija'quë huasose'ere cuasajë si'anë Maija'quëre se̱cacaiyë,

de'oji cajë i̱te pëpayë.

3 Cui'ne mësaru mai Ëjaë Jesucristopi si'aye ne ti̱'acaiye paji cuasajë o̱cue pa'i macarepa uteyepi co̱caina,

si'aye yo'o jujama'pë ai yo'oye pa'itoje̱ quëcohuë.

Cui'ne Maija'quë pa'ire paji cuasayepi co'amaña nehuë.

Cui'ne pa̱ire oiyepi pa'ina,

yecohua'ire necaë'ë.

Ja̱re si'anë Maija'quë ña hue̱'ñana cuasajë se̱ñë.

4 Maija'quë do'ijë,

mësarute Maija'quëpi oi sahuani nesicohua'i a'ë cuasajë pa'iyë,

yëquë.

5 Cui'ne yëquë mësarute huaso coca quëa maca coa pa̱i yë'ose'e cajë quëaye pa̱huë.

Mësarupi asayë,

yëquë mësaru de'oye pa'iyere cajë yo'ose'e,

Maija'quë joyo tuture papi yo'ojë cui'ne nuñerepa i̱tirepa cocare quëayë cajë quëase'e.

6 Quëajëna,

mësarupi yëquë pa'iyere cui'ne Ëjaë pa'iyere ye'yehuë,

Maija'quë coca asa do'ire ai yo'oye pa'itoje̱.

Ja̱je pa'ina,

mësaru sihuajë asahuë,

Jesús cocare Maija'quë joyopi sihuaye i̱siquëna.

7 Ja̱je yo'ojë mësaru de'oye pani i̱ñoñere ti̱'ahuë,

si'a Macedonia cui'ne Acaya sehuosicohua'ire.

8 Mësaru quë'ro huëose'epi mai Ëjaë coca jai saiji,

coa si'a hue̱'ña.

Ja̱je pa'ina,

Macedoniase'e cui'ne Acayase'e ti̱'añe pa̱pi.

Ai jerepa yequë hue̱'ñaje ti̱'api.

Ti̱'aquëna,

asayë,

mësaru Maija'quë pa'ire paji cuasajë pa'iyere.

Ja̱je pa'ina,

yëquë mësaru ayere cajë quëaye peoyë.

9 Ja̱je quëaye pa̱jëna,

i̱ohua'ipi quëayë,

yëquë mësaru quë'ro do'i saisi maca mësaru yëquëre de'oye pëpani,

cui'ne pa̱i de'huase'ere Maija'quë api cuasase'ere je̱oni,

Maija'quë huajëquëre pani sehuoni necai huëose'ere.

10 Cui'ne quëayë,

Maija'quë mamaquëpi ju̱'isiquëni huëosiquëpi Ëjaë Jesucristo ma'tëmopi co'i co̱ja'quë api cajë mësaru utejë pa'iyere.

Maire nejoñe daiye huasoquë api,

Jesús.