Cajeire Cuasaye Cato
14
Ja̱je pa'ina,
Maija'quëre necaiquëre pare cuasayere joyo tutu carasiquë pa'ito,
tsiojë̱'ë,
i̱te,
pa̱i cuasase'ere ca huëoni sa̱'ñe uihuama'pë.
2 Ñajë'ë,
cui'ne iyere,
yecohua'i cuasacohua'i pa'iyë.
Si'aye a̱iñese'e de'oji cuasajëna,
yecohua'ipi Maija'quë necaiquëre pare cuasaye joyo tutu caraja̱icohua'ipi ja'o cui'ne a̱o,
cui'ne ca̱ a̱iñe de'oji cuasayë,
hua'i cato a̱ima'cohua'ipi.
3 Ja̱je pa'ina,
si'aye a̱iquëpi yequëre hua'i a̱ima'quëre co'aye cuasaquë ñama'ë pa'ijë̱'ë.
Cui'ne iyepi de'oye a'ë caquë sahuaquë si'ayere a̱iquëje̱ cue'cuema'ë pa'ijë̱'ë.
Si'aye a̱iquëre,
cui'ne hua'i a̱ima'quëreje̱ Maija'quëpi tsiosicohua'i a'ë.
4 Ja̱je pa'ina,
¿më'ë i̱quei'ni yequëre necaiquëni ñaquë tayo yo'oji caquë yo'o ja̱'ñe?
I̱ ëjaëpi ñañe pa'iji,
de'oquë pa̱nita'a co'aquë pa'iye.
Ja̱je pa'iquëta'are de'oquërepa pa'ija̱'quë api,
mai Ëjaë de'oye ne tutu paquëre me,
me co'aquë'ni.
5 Yequeje̱ quëaye payë:
Pa'iyë,
yecohua'i ai jerepa ëja mu'se pa'iji,
cuasacohua'i.
Cui'ne yecohua'ipi cuasacohua'i pa'iyë,
si'a mu'seña cui'ne pa'yese'e pa'iji.
Ja̱je pa'ina,
pa̱i ñape i̱tire pa'ë cuasase'ere cuasajë pa'iye pa'iji.
6 Iye mu'se ëja mu'sere pa'ë cuasaquë yo'oquë pani Maija'quëni de'oye yo'oji.
Cui'ne si'aye a̱iquëje̱ mai Ëjaëni de'oye yo'oji,
Maija'quëre de'oji caquë pëpa to̱quë a̱i do'ire.
Cui'ne hua'i a̱ima'quëje̱ Maija'quëre se̱i a̱i do'ire de'oye yo'oji,
mai Ëjaëni.
7 Ja̱je pa'ina,
mai pa'ima'pë pa'iyë,
maija'a co'ye pacacaijë.
Cui'ne ju̱'inije ju̱'ima'pë pa'iyë,
maija'a co'ye ju̱cacaijë.
8 Ja̱je pa'ina,
mai huajëcohua'i pa'ini pa'iyë,
mai Ëjaëni pacacaijë.
Cui'ne ju̱ni huesënije mai Ëjaëna ju̱cacaiyë.
Ja̱je pa'iye sëte ja̱ pa'inije cui'ne ju̱ni huesënije mai Ëjaë tse̱cohua'i pa'iyë.
9 Ja̱je pa'ina,
huajëcohua'i cui'ne ju̱'isicohua'i Ëjaë pasi'i caquë Cristo ju̱ni cui'naëpi huëji'i.
10 Ja̱je pa'iquëta'are ¿më'ë me yo'oquë Maija'quë do'iquëre co'aye caquë'ni?
¿Pa̱nita'a me nesi'quë coequë ñaquë'ni?
Mai yo'ose'e si'aohua'i Maija'quë ña hue̱'ñana i̱ñoja'cohua'i a'ë,
i̱pi pa̱i ñape yo'ose'e ñaquë ca huesoja̱'quëre.
11 Ja̱je pa'ina,
toyase'e caji:
Care payë,
caji,
Ëjaë.
Si'aohua'i yë'ë ña hue̱'ñana do're ja'ruja̱'cohua'i a'ë.
Cui'ne ja̱ maca si'aohua'i de'oquëre pa'ni Maija'quë caja̱'cohua'i a'ë.
12 Ja̱je pa'iye sëte,
pa̱i ñape mai yo'ose'e i̱ñoja'cohua'i a'ë,
i̱ti yo'ose'eje̱ pa'ye,
Maija'quëna.
Ne Ta̱oñe Pa̱jë'ë, Maija'quë Do'iquëre
13 Ja̱je pa'ina,
yecohua'ire se̱ñajë cayere je̱oni coa ai jerepa i̱ohua'i asase'ere cuasajë de'oyere yo'ojë pa'ijë̱'ë,
Maija'quë do'ijë ne ta̱oja'core nema'pë cajë.
14 Yë'ë cato asayë,
si'aye si'si peoyese'e pa'iye Ëjaë Jesure sehuoquë sëte.
Ja̱je pa'ire paji,
cuasaquë asayë,
iye.
Ja̱je pa'iquëta'are pa̱ipi iye si'si a'ë cuasato ja̱re si'si pa'iji,
i̱ti ja̱je cuasaquëse'ere.
15 Ja̱je pa'iquëta'are më'ë a̱iñepi sehuosiquë Maija'quë pa'ire paji cuasayere nejoñe pa'ito më'ëpi i̱te oiye pa̱quë yo'oyë.
Ja̱je pa'ina,
Cristo ju̱cacaisiquëre më'ë a̱iñepi nejoñe pa̱jaquë caquë pa'ijë̱'ë.
16 Ja̱je pa'ina,
sa'ro nëocaima'pë pa'ijë̱'ë,
yecohua'ipi co'aye mësaru de'oye yo'ojë pa'iyere cama'cohua'ini.
17 Ja̱je pa'ina,
Maija'quë cua̱ñe te̱'te cato pa'ima'ë pa'iji,
coa a̱o a̱iñepi cui'ne u̱cuyepi.
Coa i̱tirepa cato nuñerepa pa'iye a'ë,
de'oye jo'cua pa'iye a'ë,
cui'ne sihuaye a'ë,
Maija'quë joyo pa'i do'ire.
18 Ja̱je Cristore de'oye necaiquë pa'ito ja̱ necaiyepi Maija'quë sihuayere neñe pa'iji.
Cui'ne ja̱je pa'ini pa̱ije de'o pa̱i api cajë ñañe pa'iji.
19 Ja̱je pa'iye sëte co'ejë pañu'u,
de'oye jo'cua pa'iyena sayere.
Cui'ne ai tutupi yo'ojë co'eñu'u,
mai ai de'oyena sa ja̱'ñere,
si'aohua'i ai de'oja̱jë cajë.
20 Ja̱je pa'ito a̱i do'ipi Maija'quë nese'ere nejoma'ë pa'ijë̱'ë.
Si'aye a̱iñe cato si'si ti peoye a'ë.
Ja̱je pa'iquëta'are,
mai a̱i do'ipi yecohua'ire ne ta̱oñe cato ai co'are paji.
21 Ja̱ do'ire Maija'quë do'iquëre hua'i a̱iñepi,
co̱no u̱cuyepi,
coa si'aye yo'oyepi ne ta̱oñe pa'ito nuñe yo'oye peoji.
22 Maija'quë ña hue̱'ñana si'aye a̱iñe pa'iji cuasaquë pani ja̱re pa̱ire caroja̱ima'ë coa më'ëse'e paye pa'iji.
Sihuaquërepa pasipi,
tayo yo'osiquëje̱ pa'ire nëima'ëna,
pa'iquë cato.
23 Ja̱je pa'iquëta'are i̱ cuasayepi a̱iñe cui'ne pa̱ñe cuasaye pa'ina,
i̱ti coa asaquë a̱iquë pani jai do'i a̱ni huesëye pa'iji,
i̱ cuasaye quëayere yo'oma' do'ire.
Ja̱je pa'ina,
si'aye mai sehuosicohua'i cuasayepi quëayere neñe pa'iji.
Pa̱quë pani co'aye neñe a'ë.