10
Maija'quë do'ijë yë'ë joyore papi oi Maija'quëre se̱ñe cato Israel pa̱i mañapi huaso cua̱ñosicohua'ipi pa'ija̱jë cuasaquë se̱ñe a'ë.
2 Ja̱je pa'ina,
cayë,
i̱ohua'i cato Maija'quëre necaiye ai yëyë.
Ja̱je pa'iquëta'are i̱ohua'i yëjë yo'oyepi nuñerepa asa ti̱'ani yo'oyere pa'iye pa̱ji.
3 Ja̱je pa'ina,
Maija'quëpi pa̱i nuñerepa pa'iye i̱siquë cajë asa ti̱'añe pa̱ñë.
Ja̱je pa'ina,
i̱ohua'i tutupi yo'ojë nuñerepa pa'icohua'i po̱nëñu'u cajë yo'oyë,
Maija'quë nuñere pa'iye i̱siyere sehuocaima'pë.
4 Cua̱ñese'e cayere Cristopi si'aye ne saopi.
Ja̱je pa'ina,
Maija'quëpi Cristoja̱'a nuñerepa pa'iye ti̱'añe necaji'i,
Cristore sehuocohua'ini.
5 Cua̱ñese'ere yo'ojë nuñerepa pa'icohua'i ti̱'añere Moisés toyapi,
ñeje:
Cua̱ñese'e cayere si'aye yo'o ti̱'asiquëpi nuñerepa pa'iyere pa'ija̱'quë api.
6 Ja̱je pa'iquëta'are,
coa necaiquëre pare cuasa do'ipi nuñerepa pa'icohua'ire neñepi,
ñeje:
“Mësaru joñoa cuasama'pë pa'ijë̱'ë.
¿Nepi ma'tëmo mëni Cristore quërëja̱ni yejana daja̱'cohua'i a'ni?
pa̱nita'a,
7 ¿nepi coje sa̱'nahuëre pana cajeni Cristore ju̱'isiquëni huëoja̱'cohua'i a'ni?”
8 Toyase'e caye cato iye a'ë:
“Më'ë yë'quë macare pare ti de'o coca pa'iji,
më'ë yë'opore,
cui'ne më'ë joyore.”
Iye coca cato coa necaiquëre pare cuasaye a'ë.
Ja̱ cuasayere yëquë quëayë.
9 Ja̱je pa'ina,
më'ë yë'opopi Jesure yë'ë Ëjaëpi cani cui'ne më'ë joyopi Maija'quëpi ju̱'isiquëre huëopi cuasaquë asani tsoe huaso cua̱ñosiquë pa'iyë.
10 Ja̱je pa'ina,
joyopi i̱tire pa'ë cuasaquë pani tsoe nuñerepa pa'iquë pa'iji,
cui'ne yë'opopi Jesús huasoquë api i̱te cajë se̱ni tsoe huaso cua̱ñosiquë pa'iji.
11 Toyase'epi caji:
“I̱te nuñerepa pa'iquë api cuasacohua'i cato pa̱ñete sehuore'ni caye peosipi.”
12 Ja̱je pa'ina,
peoji,
ti̱ñe pa'i judío cui'ne yequë pa̱i.
Ja̱je pa'ina,
mai Ëjaë si'aohua'i Ëjaëpi,
ja̱ëpi si'aohua'ire i̱te se̱cohua'ire jaiye de'oye pa'iye i̱siquë.
13 Ja̱je pa'ina,
toyase'e caji:
“Si'aohua'i mai Ëjaëre se̱cohua'i huasosicohua'i pa'ija̱'cohua'i a'ë.”
14 Ja̱je pa'iquëta'are ¿me i̱te i̱re pare cuasama'cohua'i pani se̱ja'cohua'i a'ni?
¿Cui'ne me i̱te sehuoye'ni,
i̱ ayere quëaye asama'cohua'i pani?
¿Cui'ne me asaja̱'cohua'i a'ni,
i̱ti coca quëacohua'ipi peoto?
15 ¿Cui'ne me i̱ti coca quëaja̱'cohua'ire jëjo saocohua'ipi peoto sani quëaja̱'cohua'i a'ni?
Ja̱je pa'ina,
toyase'epi caji:
“Airepa de'oji,
de'o cocare quëaja̱'cohua'ipi ti̱taye.”
16 Ja̱je pa'iquëta'are,
si'aohua'i Maija'quë coca caye asani sehuoma'pë pa'iyë.
Isaías toyase'e cayeje̱:
“¿Ëjaë,
nepi yëquë quëaye asani i̱tire pa'ni caye'ni?”
17 Ja̱je pa'ina,
i̱re pare cuasaye cato,
de'o cocarepa Cristo ayere quëase'ere ca̱joro asayeja̱'a ti̱'añe pa'iji,
i̱tire pa'ë cuasase'ere.
18 Ja̱je pa'ina,
yë'ëpi se̱ñë:
¿Asama'pë pate,
i̱ti coca quëaye?
Pa̱ni asahuë,
ja̱ohua'ipi.
Ja̱je pa'ina,
toyase'e caji:
I̱ti quëacohua'ipi quëajëna,
si'a yeja pa'icohua'ipi asahuë.
Cui'ne coa si'a hue̱'ña maña iye yeja pa'icohua'ina i̱ohua'i coca quëaye ti̱'api.
19 Ja̱je pa'iquëta'are ti̱jupë se̱ni co̱ñë:
¿Israel pa̱ise'e ja̱je pa'ito asama'pë pate?
Ja̱je pa'ina,
du'ru macarepa Moisés toyapi,
Maija'quë case'ere,
ñeje:
Yë'ëpi mësaru oicohua'ire neja'quë a'ë,
yecohua'ini necaise'ere ña ëajëna.
Cui'ne mësaru pë̱icohua'ire neja'quë a'ë,
huesëohua'ipi.
20 Ja̱ jeteyo'je Isaías ca'rama'quëpi caji:
Yë'ëre co'ema'pë pa'isicohua'ipi ti̱'ahuë,
yë'ëre.
Cui'ne yë'ëre jerore pa'iquë'ni cajë se̱ma'pë pa'isicohua'ini i̱ñohuë,
yë'ë pa'iye.
21 Cui'ne Israel pa̱ini Maija'quëpi caquëna,
Isaíaspi toyapi,
ñeje:
“Si'a mu'sepi mësarute soiquë yë'ë jë̱ña ca'cahuë nesiquëpi utehuë,
de'oye sehuoma'cohua'ipi cui'ne sa̱ñope yo'ocohua'ini.”