Yawe koro kho uniyómbo noko soso ŋuro hiyó yoweya
49
Ye unipare soso te mosowímo kutaqemo yoteŋgo ko kapiyano yoteŋgo,ye mandene iŋoyi.
Námbo kama pisi nereyoní Yaweko no rokó nerero owéne nekaró.
2 No noriní mandene muko suke simó ŋunde qembe newondeye saŋgawote,
ko kandímbo poka nereyote.
Eneŋombo no kusi nere roŋgaru niriní supiro soroyó ŋundiro qembe yorowe
puŋgeyómo weyo nereyote.
3 Enendo ŋande noko nimiraró, “Neneŋo kho uni, ke Israel.
Keto none owéne ko wimbune unipareko witú yereweya.”
4 Quko no neneŋomboro ŋande yanowó
“No kho kondé tero wimbune rotanowó.
Koweyumune ŋu kina eŋgé moré kini teweya.
Quko enina, Yaweko kho teyoteno ŋu iŋote,
Anutunembo kho teyoteno ŋuro kimoyó nunoweya.”
5 Yaweko no ná qahí quroko kho nunaró no rokó niriní eneŋo kho simóŋo yorowe teteno.
Enendo yaró, nondo Israel huru yerero pitu yorero eneŋomo maheweya.
Dokoro Yaweko owene hokoro, ko Anutunembo wimbu nunaró.
6 Asa enendo ŋande yaró, “Kho nondo kunanowó ŋuko tomó ta,
kho ŋu keto Yakop koro wini okoko yerero ko Israel koro wini kumi ŋu pitu yore maheweya.
Kho parámi nondo ke kunanowó ŋuko ŋandiro,
nondo ke korewe unipare soso quro hiyó nokono tunoqero unipare nokono qu samaka yereweya.
“Nondo ke kho kunanowó ŋu teya keto Yakop koro wini kumi ko Israel koro wini kumi ŋu okoko yereya pitu yore mahe,
Ke Israel yoreka keta yuri,
kho ŋako parámi kini keto neneŋo kho simó yoroweya.
Ŋuya nondo ke korewe Yuda koro unipare kini quro tunoqero
unipare mira soso samaka yiri nondo rambaruru koŋgo yorewano.”
7 Yaweko, Israel koro Uni Surumí,
Anutu ŋundo Israel kawaware tero samaka yereyote ŋuko,
enendo mande ŋa kho uniyómboya yaró.
Unipare meyowombo kho uni ŋuro kama iŋoyoteŋgo
ko unipare soso yendé meyowomoŋgo ene re rotaŋgurí.
Eneko uni kembémboro kho simó kina yora. Yaweko ŋande miraró, “Wiri yereteŋgo uni ŋundo ke kiyoro kaŋewaŋgo,
ko uni kembémbo umu kembaye re nokono umbuní ŋunde tero keŋo oweŋge hokowaŋgo.
Ŋunde tewaŋgo, dokoro, no Yawe, Israel koro Uni Surumí ŋu, no murí roneneŋowí howeyoteno, nondo ke rokó kerewe teteno.”