50
4 Yawe Uni Parámimbo hutuŋo mande meté yewero qu rondaqe nunote.Nunoní mandenembo unipare wimbuye kini taró ŋu samaka yereweya.
Ita saraŋoní naru rokóŋoro enendo okoko nereyote.
No o meté ŋu iŋowe yero iŋoyoteno.
5 Yawe Uni Parámimbo kusumbone riní hiyóqiní ene mandí ŋu iŋoyoteno.
No eneŋo mandí kama wendaqeyoteno.
Ko kho nunote ŋuro kama soreyoteno.
6 No uni yiyo rotowe kumokopo tupunemo utoro isine kumoyoteŋgo.
Mande piyimi yero tute nereyoteŋgo quko umu-kembane kama tapuŋoyoteno.
7 Mande piyimi ŋundo no kama nore umbuyote.
Dokaro Yawe Uni Parámimbo samaka nereyote.
Ŋunde ŋuroko no kondé wondo ŋunde kaŋero kho naŋge tewe teteno.
No iŋoteno khone ŋuro kowe piyo kama tewano.
8 Anutuko kutaqemo yote ko enendo ŋande yeweya, “Uni ŋa potóŋo moré kini.”
Uni kato noya o piyimi teweya
ŋu ŋano mahe yi.
Uni ŋu nene potóne yimirote ŋu dani?
Meté tunomo yi.
9 Qeni, Yawe Uni Parámimbo no samaka nereyote.
Ŋunde ŋuroko dani kato nondo o piyimi teyoteno ŋuro yeweya?
Uni soso nondo o piyimi teyote yewaŋgo quko
tuwi siwímbo tuwi kimboŋiní piyo temukoyote ŋundiro naŋge piyo temukowaŋgo.