Tuꞌn Kman in tzaj tkꞌoꞌn tzokpibl
Cybitz aj Israel oc in che jax tuj Jerusalén
129
Nimcu maj o chin baj yajlaꞌne cyuꞌn xjal ttzyetlenx atxix tuj ncuꞌxumale -icxtzun tuꞌn cymante ke aj Israel jaꞌlo,2 nimcu maj o chin baj yajlaꞌne cyuꞌn xjal ttzyetlenx atxix tuj ncuꞌxumale, pero mintiꞌ o cub wiꞌje cyuꞌn.
3 O baj cycꞌixbisaꞌn ttzal wiꞌje tuꞌn asyal, ex biꞌx jaket ttzal wiꞌje cyuꞌn,
4 pero ate Kman tzꞌaklxix te, ma chin clete tuꞌn tjakꞌ cycawbil ke xjal mya baꞌn.
5 Cubxwit cychꞌixwi ex che elxwit ok ke aj kꞌoj tiꞌj tnam Sión.
6 Che ocxwit ic tzaꞌn cꞌul in tzaj chꞌiy twi ja ex in tzkij naꞌnxtok tuꞌn tjaw bakoꞌn.
7 Aju cꞌul lu mlay noj tuj tkꞌab xjal tuꞌn, aju xjal in chmon triw ex in baj tcꞌaloꞌn tuj cheꞌlin.
8 Keju in che bet mlay txi cymaꞌn cye ke aj kꞌoj: Awt Kman cub cyꞌiwlante cyeye.
in che cub kcyꞌiwlaꞌne tuj tbi Kman, che chiwt.