Ate Dios clol cye aj Israel
Bitz tuꞌn David tuꞌn cybitzan aj Israel oc in che jax tuj Jerusalén
124
Baꞌn tuꞌn cymante aj Israel cyjaꞌ: Nokwit mya a o ten Kman kucꞌil,2 nokwit mya a o ten Kman kucꞌil tej cyoc tzokpaj ke xjal kiꞌj,
3 itzꞌxwitlo koꞌ tej kxi cybalkꞌuꞌn tej ttzaj nim cytxꞌuꞌjil kiꞌj.
4 Mawtlo koꞌx ikan tuꞌn aꞌ ex mawtlo ko cyaj tjakꞌ.
5 Mawtlo ko cyaj tjakꞌ jun nintz aꞌ in julin wen.
6 Nimanxwit tbi Kman tuꞌnju mintiꞌ ma takꞌ ambil tuꞌn kbaj luẍin tuꞌn twitz cyeꞌ ic tzaꞌn tuꞌn jun txcup.
7 Ma ko colpaj te cꞌobil ic tzaꞌn in colpaj jun chyuꞌj twitz jun byol chyuꞌj; xcub lakj cꞌobil ex cyjaꞌtzun xko colpaj.
8 A Kman onil ke, aju binchal cyaꞌj ex txꞌotxꞌ.