In che tzalaj xjal tiꞌj tnam Jerusalén
Bitz tuꞌn David, tuꞌn cybitzan aj Israel oc in che jax tuj Jerusalén
122
Nim o chin tzalaje tej ttzaj cymaꞌn xjal weye: Koꞌ tuj tja Kman Dios.2 Aya tnam Jerusalén, ma ko ule ttzi tpwertila.
3 Aju tnam Jerusalén mejor binchben te, cyjunin cyib ke ja wen.
4 Atzun in che ul cycyakil cꞌloj cyiyjil aj Israel akeju etzan tuꞌn Kman, ex in che ul kꞌol chjonte te Kman ic tzaꞌnx o tma cye.
5 Atzun ateꞌ ke jusgad tuꞌn t-xi binchet cyiꞌj xjal, ex atzun ateꞌ ke cykꞌukbil rey tuꞌn cycawin, akeju tiyjil David.
6 Cymanxe tuꞌn tcyakil cyanmiye aju yol lu: Akeye aj Jerusalén cuchiwt tuꞌn cytene tuj txubtxaj, ex cuchiwt tuꞌn cyten tuj txubtxaj keju at cycꞌujlalil tiꞌj tnam Jerusalén.
7 Cuchiwt tuꞌn cyten tuj txubtxaj ke xjal najl tuj Jerusalén, ex cuchiwt tuꞌn cyten segur cycyakil ke nmak ja tuj tnam.
8 Atzun jaꞌlo, tuꞌn cylaj ke wermaniye ex ke wucꞌile cxel nmaꞌne cyjaꞌ: Cuchiwt tuꞌn cytene tuj txubtxaj akeye najl tuj tnam Jerusalén.
9 Tuꞌn tlaj tja Kman Dios cꞌoquel tilil wuꞌne tuꞌn cytene baꞌn.