Inu Awaji orọbe inyi ebi Ijeren ebi îgobobe
9
Ǹkitumu atikọ kubọk ogwu òchieek me lek kè Jisọs Karais,
ǹkakan̄ ataak,
ejit n̄a,
eyi Ekwukwu Mbuban okikpulu,
îrọ si inye ibe ke ìkare ataak ke nkikan̄.
2 Ejit îkifieek emi enenen,
mè ikisisaak emi mgbọ geelek,
mije ebi kiji,
ebi Ijeren.
3 Ubọk îkupbe emi me ejit,
emi me lek n̄a mâkọt ichieek ibe Awaji ifieek otu inyi emi,
mè ifieek emi isan̄a me lek kè Karais,
mije una ichechieek ebi ngwan̄ n̄a,
ebi melek n̄a erebe akpalek ge mè eje ge,
4 ìrere ebi Ijeren,
ire eya môrọ mè ema ekaan̄ ichechieek.
Awaji îrọ owuwa inu inyi ema,
ire,
ema kpegban̄ utọn̄ inyi Awaji.
Îre ema ke Awaji ogobo isa irọ bọn inyi lek kan̄,
ema si ke Awaji onyi ujamgbugbo kan̄.
Ema ke Awaji onyan̄a ibot inyi,
mè inyi Ikan kan̄.
Ema ke Awaji onyi unye ibe eketọbọ ebum me Uwu Mbuban enyi ọmọ,
ema si ke Awaji ochieek use inyi.
5 Ebi nte nte ukot ikaan̄ cha eriọọn̄be erieen̄ me mfufuk ìre nte nte kiban̄.
Me akpalek ebilene,
Karais me lek kan̄ ìre si gwun̄ owot iman kiban̄.
Itọn̄ ikup inyi Awaji ogwu òkup me ibot otutuuk inu geelek ire mgbọ ikakaan̄ge itata.
Ikup ikeya!
6 Ikọ n̄a ìkasibi ibe ke use Awaji ìkakọt ìsi ikwaan̄ kan̄ ìso,
mije,
ìkare otutuuk ebi Ijeren ere ata ebi Ijeren.
7 Ìkayaka ìrere si otutuuk bọn owot iman kè Ebereyam ere ata bọn kè Ebereyam,
mije,
Awaji ìtumu inyi Ebereyam ibe,
“Îre bọn owot iman kè Ajiki
ke ebefuk kubọk echi kwun̄.”a
8 Eya ìsibi ibe ke ìkare bọn esabe me akpalek iman ere bọn Awaji.
Îre bọn emanbe igọọk me lek use Awaji ke ekifuk kubọk bọn kè Ebereyam.
9 Mije,
mgbọ Awaji ochieekbe use ya,
ìtumu ibe,
“Mgbọ nsun̄be isikem,
emi mâgwu ikom inu.
Nsigwu ikom inu,
Sera môman gwun̄ enerieen̄.”b
10 Ìkare eya gaalek.
Ute ge gaalek obon nsabọn ebirieen̄ iba Ribeka omanbe.
Îre Ajiki,
nte nte kiji ukot ikaan̄ obon ema.
11-12 Ribeka ìgbagbaan̄ nsabọn iba chi iman mgban iba.
Mgbọ Ribeka okupbe me owot kiban̄,
Awaji otutumu inyi Ribeka ibe,
“Îre ogwu ugane obokisi ikwaan̄ inyi ogwu ijija!”
Inu yi ìrọrọ iraka sabum eniman ema,
me mgbọ ema kperọriọọn̄-nu ata inu mè ijo inu.
Awaji ìrọ ikeyi igọọk me nkeek kan̄ isasa ijeen̄ ibe ke îre ọmọ me lek kan̄ ogobo gwun̄ ge me etete nsabọn iba cha,
mè itele ogwulọ.
Awaji ìrọ si ikeyi inyi ebi ene esa eriọọn̄ ibe ke ìkare ikwaan̄ gwun̄ ya orọbe ke esa igobo gwun̄ ya;
ke îre me nkeek Awaji ogwu ògwegwen ọmọ gaalek ke esa igobo ọmọ.c
13 Ikeya si ke ege me Ikpa Mbuban ibe ke Awaji ìbe,
“Jekọp ke mma,
Isọ ke ncha!”d
14 Ìre keke ke eji ebetumu?
Ìre eji mêbe ke Awaji ìkakirọ inu òtatat?
In̄-in̄,
eji kpebekọt itumu!
15 Mije,
Awaji ìtumu inyi Mosis ibe,
“Ogwu òneme emi ke mbato nsan;
ogwu òneme emi si ke mbakaan̄ njijin me lek.”e
16 Eya orọ,
inu chi geelek ìkakire mije nkeek ebilene mè kwulukwulu ebilene,
ìkire mije ejit nsan Awaji.
17 Mije,
Awaji ìtumu inyi ogwu Fero,
ogwu ubọọn̄ ebi Ijipiti,
ibe,
“Îre mije keyi ke mkpukpo owu isibi,
inyi ǹsa me lek kwun̄ ǹjeen̄ unye n̄a,
mè ebi ene eketumu erieen̄ n̄a esibi me otutuuk linyọn̄.”f
18 Eya orọ,
ogwu Awaji oweekbe itoto nsan ke îkito nsan,
ogwu îweekbe irọrọ mè inye ejit,
ogwa ke îkirọ inyi ejit inye.
19 Ene ge me etete kinyi môkọt ido emi ibe,
“Ire ikeya,
ìre keke orọ mè Awaji ikpọkpọ ikifieek eji ikọ?
Ìre ekene okikọt isisik ibot ibe mè ekiket Awaji ikarọ ìso?”
20 Owu ogwu ebilene,
ìre owu ìre ekene,
eyi obokifọọk Awaji otu?
Ìre inu ene orombe môkọt ikaan̄ otu ido ogwu òrorom ọmọ ibe,
“Òjeje irom emi ikeyi?”g
Ìkpokọt ido!
21 Mije,
me atikọ,
ogwu òbot ugọn̄ îkaan̄ unye isasa owut arika ge gaalek îsan̄abe ibot owuwa esese ugọn̄.
Môkọt isa okpọkọ ibot ugọn̄ echi mêkisa irọ inu òkakaan̄ umin,
mè isa si ofifi okpọkọ ibot ugọn̄ echi mêkisa irọ ten̄eten̄e inu geelek.
22 Ikeya ke îkup si me lek inu Awaji okirọ.
Awaji îweek irọrọ inyi unye kan̄ mè unaan̄-ejit kan̄ iriọọn̄ ubọk isibi utoon̄ enenen.
Mije keya,
mgbọ îkisun̄ ebi înaan̄be ejit inyi cha iban usen mkpa kiban̄,
ikekikaan̄ ujọn̄ọ ukarajit me lek ife cha,
mè ikime ijo inu geelek ema ekirọ.
Ire Awaji ikirọ ikeya,
ìre îlọ?
23 Awaji îwuuk lek igobo usini ene isibi inyi enegọọk ọmọ ekaan̄ ujamgbugbo kan̄,
mè ikikaan̄ ejit nsan me lek ife chi.
Ire Awaji ikikaan̄ ujọn̄ọ ukarajit me lek ebi ìkup me irak unaan̄-ejit kan̄ cha,
inyi ebi ọmọ okaan̄be ejit nsan me lek esa me ikeya eriọọn̄ ubọk ujamgbugbo kan̄ osabe imin iyaka,
ìre îlọ?
24 Eji ere ebi ife ba,
ebi Awaji ogwenbe inyi lek kan̄.
Eji kpere ebi Ju gaalek.
Îgwen usini kiji inan̄a me etete ebi Ju,
mè igwen usini kiji inan̄a me etete ebi ekarege ebi Ju.
25 Ikeyi ke Awaji otumu me otu kè Osia ogwu nriran ibe,
“Ebi kpewuuk lek ire ebi n̄a,
mâgwen ema ‘Ebi n̄a.’
Ido ebi kpewuuk lek ire ebi òma n̄a,
mâgwen ema ‘Ebi òma n̄a.’h
26 Me ere etumube inyi ema ibe,
‘Enyi kpere ebi n̄a,’
me ere yaage si ke mêgwen ema
‘Bọn Awaji òkup me ugwem.’ ”i
27 Asaya îtaan̄ ukpo itumu ikọ ofolek ebi Ijeren ibe,
“Ubọk geelek ido ebi Ijeren ebi
n̄a ewabe ikup kubọk okpoon̄ agba awaji,
ene inen mè inen ebi ìsisik gaalek ke ebenyan̄a.
28 Mije,
Okaan̄-ene môsibi oyerebet
me ibot ebi linyọn̄ keyi ugwat ugwat,
mè irọ otutuuk isan̄a mgbọ yaage kpai.”j
29 Awaji îtumu si sa me otu kè Asaya me adasi mgbọ ibe,
“Mebe Okumugwem Ogwukaan̄
Inyọn̄ mè Ijọn̄ ìkasik sọntiik ibot
bọn kiji inen mè inen,
kè eji èkwaan̄ èsan̄a,
mè ido kiji okana ǹrioon̄ kubọk
ama Sodọm mè ama Gomora.”k
Ebi Ijeren mîjit ata etip
30 Mgbọ keyi,
ìre keke ke eji ebeyaka itumu?
Ikọ eji ekitumu ìsibi ibe ke ebi kpere ebi Ju,
ebi kpekisasa lek ikakana ebi ata irọrọ,
mîkana ebi ata irọrọ inan̄a me lek ichechieek kiban̄.
31 Ire,
ebi Ju me lek kiban̄,
ebi ìkiweweek ikan eyi òborọ inyi ema ekana ebi ata irọrọ,
kpekọt ikana ebi ata irọrọ.
32 Ìre keke orọ mè ebi Ju ekakọt ìkana ebi ata irọrọ?
Îre mije ema kpesa me ichechieek iweek ikakana ebi ata irọrọ.
Kpan̄asi ikeya,
ema ekirọ kubọk ke ekisa me ata ubọk ikwaan̄ ikana ebi ata irọrọ.
Mije keyi,
ema mîtọbọ ukot me lek “ewuuk òkitọbọ ene ukot.”
33 Ikeyi ke Awaji otumu me Ikpa Mbuban ibe,
“Ìkpọ,
mben ewuuk ge iyik me Sayọn,
eyi ebi ene ebetọbọ ukot me lek;
ewuuk ya oborọ inyi ema enan̄a erọn̄.
Ire,
ene geelek òtotoon̄ ejit me lek ewuuk ya,
kpunu inu geege òborọ inyi esip itet ene ya.”l