Okwa Itọn̄
12
Me usen ya, enyi mêtumu ibe,“Jei Okumugwem, mâtọn̄ owu,
ubọk geelek ibe ke owu onaan̄ ejit ikeme emi,
ire, unaan̄-ejit kwun̄ îsiki,
owu okakat emi ejit.
2 Kpọ, Awaji ore ogwu unyan̄a n̄a,
mâtoon̄ ọmọ ejit me lek, m̀kpafieek owot;
mije, Okumugwem,
iin̄, Okumugwem ore unye n̄a mè okwa n̄a,
ọmọ onikana ogwu unyan̄a inyi emi.”
3 Enyi mêsa me unwọọn̄ isi ichibi mun̄
me emen udọn̄ mun̄ eyi unyan̄a.
4 Me usen ya, enyi mêtumu ibe,
“Ìbe Okumugwem onirọ, mè ìgwen erieen̄ kan̄;
ìtumu inu îrọbe ìsibi ìnyi ebi ido geelek,
mè ìkpa ìkana ibe ke erieen̄ kan̄ mimin.
5 Ìkọt okwa ìnyi Okumugwem, mije, îrọ inu òkaan̄ mgbugbo;
ìrọ mè otutuuk ebi linyọn̄ eriọọn̄ inu îrọbe.
6 Ìbene ida ìtaan̄ ukpo, mè ìkọt okwa ìnwọọn̄ unwọọn̄,
enyi ebi ìluk me Sayọn,
mije, Ogwu Mbuban ebi Ijeren,
ogwu òluk me etete kinyi îmin enenen.”