Itọtọn̄ Awaji ogwu unyan̄a
146
Ìtọn̄ Okumugwem;ibot ejit n̄a, tọn̄ Okumugwem!
2 Mâtọn̄ Okumugwem ire mgbọ ugwem n̄a môtabe;
mâkọt okwa itọn̄ Awaji n̄a
mgbọ nkupbe me ògat ugwem.
3 Ikatoon̄ ejit me lek ebi ilile,
mè ìre bọn ebilene ikike,
ebi kpebekọt itap ubọk inyi enyi.
4 Ema isikwaan̄, ema mîra igwu ikom ifon achiaan̄,
ere ema enan̄abe;
usen yaage si, otitọt kiban̄ geelek îra ikana ikike.
5 Uga ubelejit òwa inyi ene geelek ogwu
Awaji kè Jekọp okitap ubọk inyi;
ogwu ikpọchieen̄ kan̄ okupbe me lek
Okumugwem òrere Awaji kan̄.
6 Okumugwem ore ogwu òrom inyọn̄ mè ijọn̄,
mè okwaan̄,
mè otutuuk inu geelek òkup me emen kiban̄;
ogwu òkekeke inye me irọrọ ikọ kan̄ iso mgbọ geelek.
7 Ọmọ okinyi ebi ekifeen̄ unen kiban̄,
mè ikinyi ebi uraafiọọn̄ inorie;
Okumugwem okitọn̄ọ ebi etapbe mkpọn ito,
inyi eje efon.
8 Okumugwem okichili chieen̄ ebi ǹnàan̄
mè ikijibi ebi ìnanan̄a irọn̄ ibene,
mè ikimun̄ ebi ata irọrọ me chieen̄.
9 Okumugwem okibem ebi ichen ìgọgọọk igbaan̄ iluk ama,
mè ikitap ubọk inyi ebi nwakpa mè bọn ìnan ute;
ire, mè ojijaka ebi òkpaka ibot òsan̄a kpai.
10 Okumugwem ìre ubọọn̄ ire mgbọ geelek.
Ebi Sayọn, Awaji kinyi môre ubọọn̄ ire ukot geelek.
Ìtọn̄ Okumugwem!